沖繩狂玩勁食喪走之旅 - Day 5 (北谷美國村、那霸機場)

話咁快就到咗最後一日lu！因為經過尋日黎既時候，喺大路個巴士站拎住一件二件行李行入去酒店嘅狼狽情況，我地前一日已經喺酒店買咗shuttle bus車飛去機場喇！Vessel Hotel Campana Okinawa有架shuttle bus可以去經那霸市再去機場，價錢同坐巴士差唔多！但唯一個唔好處就係佢個班次唔密，我地坐3點機就迫係要坐11點嘅車．．．變咗我地起身執埋d野都要上車走lu！

我地前一日作最後衝刺嘅時候，喺Aeon Supermarket買多咗pack sashimi同廣島蠔刺身，一早望住個海景，飲住牛奶，食住呢d野做早餐，咁嘅生活真係唔知去邊度搵！
 

呢間酒店其實都好正，間房又夠大，個view又正，而且價錢又唔貴，住得一日真係唔夠皮！下次有機會再黎，起碼都要住番兩三晚先夠！
 

我地執好野就要去上車lu！日本d酒店check out都唔駛check你間房，放低鎖匙就俾你走，所以我地留到last minute先捨得離開間房！

坐咗唔駛一個鐘就到咗機場喇！佢國際線個機場無野行，反而國內線嗰個就有幾層樓嘅餐廳同手信店，所以我地拎埋d行李喺國內線機場行街同食午餐！
 

左揀右揀，我地揀咗食呢間日式西餐廳，價錢中等，味道一般。食完個悠閒午餐之後，我地再作最後衝刺，用埋食上嘅錢去買手信。本身睇旅遊書見到話機場有盒裝大東壽司賣，但行黎行去都搵唔到，最終用埋身上嘅錢買多盒蛋糕同mask就清袋lu！財散人安落，咁就乖乖上機，完咗5日嘅沖繩狂玩勁食喪走之旅，番香港過番地獄嘅工作生活．．．

沖繩係日本地方黎講算比較近同容易自由行，絕對係值得重遊嘅地方！Okinawa, I will be back！