食飽之後，我地上房換件泳衣就出發喇！我地喺房個露台遠觀成個PIC，第一個想去嘅就係佢個私人沙灘喇！聽聞因為地理環境嘅關係，關島嘅海灘就算行到好出，水深都只係及腰，啱晒我同積兩個唔識游水嘅人啦！！就係咁，我地就好放心拎住塊浮塊浮住出去海中心喇！好清澈嘅海水，好舒服嘅陽光，我地踢完水就喺隔離撐獨木舟，D水清到，我地撐出去少少已經見到好多珊瑚礁同魚 (心心眼)
不知不覺原來已經到咗午飯時間，我地著住泳衣滴住水咁去咗金咭可以選擇嘅日本餐廳食飯！佢個裝修係一間中高級嘅日本餐廳，但我地滴住水咁入去，個感覺真係好特別！而最特別嘅係，我本身無戴眼鏡入去，以為佢係食set menu，點知原來係食buffet，我好似盲咗咁，伸到好埋先望到D野食 -_- 食物質素比想像中好，我地食飽飽之後，諗住上房去個廁所，點知......我地一上到房就瞓著咗，仲要濕住個身瞓咗成個鐘.....
我地起番身之後，就落咗去泳池邊......結果都係瞓 ZZzzzZZZzz！哈哈！話明係honeymoon，就當然係hea d啦！之後我地玩下水上籃球，玩下飄流獨木舟，又玩下水上滑梯，都已經6點幾喇！我地番上去梳洗就準備去食Sunset BBQ喇！我地之前去front desk想book枱嘅時候佢話full咗，我地要walk in，所以我地快快梳洗好就行過去喇！
積影呢張相嘅時候，話我好似日本人行路，我問佢......日本人行路同香港人行路有咩分別呢？=_= 佢無言........
Sunset BBQ最大嘅賣點就係可以望住個Sunset黎BBQ，雖然我好似無講過野咁.....但我想講嘅係，呢個位置睇日落真係一流！
佢嘅大蝦真係好大隻，平日喺街市買都要十幾蚊一隻！所以我地勁食！就係咁，我之後就出事喇.......
我地食到爆胃之後，周圍行下消化一下，去到見到籃球場，積話想打一陣幫助消化，之後就租咗個籃球。
我發現，原來我係第一次睇積打籃球！原來佢真係識打架wo！哈哈
我唔識都打幾下啦！幾下好喇！真係好飽！
之後夜晚就知大鑊！因為晚餐食得太飽嘅關係，同埋已經連續四餐食自助餐.....我食到消化不良.....成晚個腸胃都不適，頂住個肚又痛又想嘔，成晚都瞓唔到！真係自找苦吃.......我下次唔敢喇 > <
沒有留言:
張貼留言