帶住阿仔去旅行 - 花蓮篇 (兆豐農場、東大門夜市)

唔認生保床既阿仔瞓得好好



今日一早鬧鐘未響就有個人肉鬧鐘叫醒我地喇! 阿仔一早就坐起身望住我地笑!



想繼續瞓簡直痴心妄想呀! 於是乎我地就齊齊做早起的鳥兒啦!

我地去番尋日摸門釘既餐廳，今次終於都食到喇!



個房租本身係包咗個早餐，但就好一般.....唔知阿仔係咁識食定係平時都未有咁早食野，又唔肯食野，係咁推開D食物，真係激死人!





(隔離枱有個大少少既B好乖咁坐定定食野，本身都仲暗暗稱讚，點知睇真D原來個媽媽俾左部手機佢睇卡通.......) 所以我見大少唔食我就由佢算喇....

之後沿路番去影下相先

 
 阿仔影影下又唔合作，唔想晒左個靚景，我自己影，哈哈！

呢個荷蘭村既住宿區D風景都好優美! 不過真係曬到阿媽我都唔認得自己.......連平時最惜搽防曬既爹地都主動幫阿仔搽 ! (讚) 但佢自己都係唔搽.....

影完相已經熱到溶化......喺間房過完冷河就check out準備入園玩喇! 冷氣.....byebye喇 (不捨地哭)

我地check out完又冇人話俾我地聽可以接送去個園區，我地推住阿仔行.....行到一半發現原來都幾遠.......

曬呀曬～～～～

行到一半......阿仔已經瞓左覺

咁我地就推住佢周圍行下影相!

好耐冇兩公婆既合照！哈哈！

之後見到有間餐廳，冷氣呀！！！衝呀！！！

 

仲食埋個自家農場牛奶雪糕阿仔都未醒

阿仔仲未醒.....再周圍行下先

勁熟睡.....



















我地諗住租架高爾夫球車去遊園，一租就租兩個鐘，所以要叫醒阿仔喇！



啱啱俾人叫醒個樣勁唔老黎......

哈哈，出發喇！呢架車要有車牌先可以渣，兩個有車牌既人喺香港都冇咩機會渣車，而家渣呢架當過下癮啦！

汽車殺手爹地先出發！

我地第一站去左個乳牛區先，D牛屎......好臭.......

阿仔好cool～～～

佢入面都幾大，阿仔又唔自己行，行完一個圈隻手勁攰.....出到去先見到話個「王菲草原」喺要步行入去，但已經冇力行番入去......上車去第二個check point！

呢個位勁有feel~~~~

我自己又要影番張獨照先得！



之後上番車到我試下揸先，哈哈，講開原來我考到個車牌之後一直都冇揸過車...

 (得阿仔望鏡頭 XDD)

我以好標準既揸車手腕帶佢地去遊園！

勁好天! 好曬呀！







個園真係好大，唔租車真係幾難行得晒







最後再睇番地圖先發現我地漏咗未去餵小動物，拿拿臨把握最後時間過去！





勤勤一見到Ｄ動物食野佢又驚驚 XDDD





(俾我走呀！！！！）

之後我地就去還車喇，去間cafe食左件蛋糕就走喇。

今次農場有人車我地番去住宿區，唔駛自己行!



之後我地同民宿嗰邊講我地想要車站接駁，我地到咗花蓮車站就聯絡民宿老闆，上咗車好快盲到喇！一入到間房! 嘩~~~~~~









勤勤好忙！哈哈～～

之後無啦啦落勁大雨！好彩間房已經有排佢玩！XDD

等停咗雨之後我地就出發去食野喇，我地首先去咗食鵝肉先生！







冇BB凳，要咩住阿仔食都幾呢hea.....



食完之後我地就向東大門夜市方向行過去

沿途見到有公正包子，好多人排隊，又買黎食下先



勤勤勁興奮又有我食埋一份





呢個包真係勁勁勁抵食！仲要係好好食，見阿仔沿途食個不停就知! 哈哈



食到去到個夜市仲食緊！

我地下一站就去食臭豆腐





台灣D臭豆腐真係要喺台灣先食到，次次黎都要食！

夜市有得食有得玩~~





BB勤，一個小玩具已經好開心！



仲用黎打老闆個西瓜，哈哈!

一黎到間房又好忙咁玩煮飯仔！