（留意後方個BB勤好忙）
呢間民宿真係超讚，有晒BB凳，佢唔食又可以俾佢落地玩！少爺仔真係開心到暈!
我地今日包車，都未夠鐘個司機叔叔已經到咗喇！佢一見到勤勤就主動問我地要唔要car seat，雖然我知少爺勤應該都唔肯坐，但司機叔叔咁積極咁就睇下佢坐唔坐啦！
原來佢間公司好近，一個轉頭佢就已經拎完番咗黎啦，之後我地就出發lu~~~~
司機叔叔皮膚好黑，好有陽光氣息，佢話佢一出世就咁黑，所以D人都叫佢做小黑
因為我地冇咩特別地方想去，所以就叫小黑幫我地揸主意。
第一站我地去咗楓林步道。
勤少向來都勁怕生保，所有陌生人行埋D想掂佢就已經喊定先! 因為當小黑喺車外伸手同勤勤講「俾叔叔抱下啦」(注意係都幾標準既廣東話，因為小黑話佢原來佢喺廣州做咗幾年野，我我心諗喺大陸咁多年都冇學壞真係奇蹟，之後會再講佢有幾好人!) 之後伸手就抱起佢！我心諗大鑊！ 肯定又喊！個心仲諗人地咁熱情，個衰仔又喊會搞到人好無癮。。。一陣又要氹番佢。。。。一開波就喊真係大殺風景！（幾秒間媽媽已經諗咗好多野）! 點知一落車，神奇既事就發生喇！！
呢個畫面我幾乎從來都未見過！佢無喊不突止，仲要俾人抱走咗頭也不回!
之後旁邊有個小妹妹，小黑放佢落地佢同個小妹妹打招呼，佢仲即刻伸手去個妹妹度嚇親人！呢一下嚇親既唔止係妹妹，仲有媽媽我！！！
呢個畫面真係仲好睇過山下既風景！哈哈！鏡頭去番風景嗰邊先！呢條楓林步道沿路有好多個觀景台，我地呢個已經係唔知第八定九個，所以已經足夠可以俯瞰花蓮既景色!
今日好好天，個景色特別靚！
包車另一個好處就係有人幫手揸機影全家幅！
之後上番車我去就去下一站鯉魚潭，點知阿仔上車坐咗一陣就瞓著咗。。。
鯉魚潭呢段時間有個叫紅面鴨嘅活動，咁大隻鴨鴨勤勤一定好開心啦，於是乎到站我都即管抱佢落車，點知佢真係一落車就醒咗。平時如果佢瞓一下就俾人嘈醒就實發我圍啦，點知無佢醒咗竟然無發脾氣!
之後小黑仲買咗隻紅面鴨嘅公仔俾佢，成個人即刻happy到暈！
我諗呢個小朋友嘅心情真係興奮到非筆墨可以形容!
又到有全家幅嘅時間, yeah～
阿仔個心已經完全俾小黑叔叔俘虜咗！又跟人走喇！
之後下一站我地去咗溯溪
Ｄ人好清，不過好多人。。
睇咗一陣我地就去下一站立川漁場喇！
D人黎呢度主要係黎摸蜆，但勤勤咁細個就當然參與唔到啦。。
尋日我地喺農場佢瞓咗覺無餵到魚，今日可以餵番喇。
天氣勁熱，買咗杯雪糕消消暑，之後勤少見到我地食野，發咗狂咁搶！
結果俾佢成功搶到個雪糕筒!
(我係唔會俾番你架！)
我地買咗盒手信又爭住拎！
之後我地就去食飯喇，呢個餐廳係我地成日行程唯一指定話想去嘅地方，哈哈
就係呢間055龍蝦海鮮餐廳
本身佢係有全海景，但窗口位已經full咗，唯有遠眺下個海景啦
(留意番阿仔勁生性，我地食飯佢瞓覺)
正因為咁我地就可以慢慢嘆！
我地食飽之後阿仔就醒咗，但我地留俾佢既野又唔食，俾即食嘅BB飯佢都要呃呃氹氹先食我完，搞到餐飯食咗兩個鐘......
上番車俾佢試下坐下個car seat，好新奇咁坐咗幾分鐘就要出番黎
之後下一個景點繼續由小黑幫我地揸主意，坐左都有半個鐘車程有多，黎到呢個7月1日先開既新機隧道！爹地一聽到就同我講話佢之前上網睇到，話有同我講話想去我無理佢....講真我真係一D印象都無.....Anyway! 總之我地就黎到呢個只係開左幾日既新景點！聽到話係行個懸崖邊我地就改用咩帶唔用BB車啦，認真準備充足! 一落車已經見到呢個咁靚既景色！
之後就見到個入口喇
見到有條隊就過去排啦，之後排排下見到原來要喺隔離個櫃台度買飛，正當我想行過去既時候，小黑話已經幫我地買咗! 真係好貼心!
之後我地好順利咁就入左去喇。
大少隻腳咩事....?
行多幾步就見到呢個玻璃橋面喇
要少少烏低身先過到去，好彩係帶左咩帶。
淡定哥仲吮住佢隻手指.......
望過去個海好靚
望落玻璃下面係D樹，其實係冇咩凌空既感覺，所以就算畏高都冇咩問題。
因為條橋有人數限制，同一時間唔會俾太多人企上去，所以影相都係快快影幾張盲俾人趕我地向前行。
咁就參觀左個最新景點喇！
行番出去會穿過個新機隧道，見到有攤位東檔口，之後應該會有D攤檔開喺呢度。
之後上番車，小黑帶左我地黎呢個水稻田度影相。呢個景其實係好靚，如果識就角度影相的話，點解咁講? 去相!
爹地Jack取既景......
鄉下大塊田.......
我建議取既景!
風景畫!
之後隔離仲有對夫婦，個太太比我取景更有要求 (因為佢不停話個老公唔應該咁影 blablablaa)
NICE SHOT!
呢個位都影得好靚
成個畫面仲靚
之後小黑帶我地去左呢個瘋市集，入面係D搞D創意藝術既年青人開既檔攤，又有D band show咁
全部野都好raw, D攤檔係治住D山邊擺，我地抱住勤勤都要小心D行。
之後我地去左下一個景點餵鹿，本身諗住好親子既活動，但其實勤勤係好驚D鹿張開口食野....佢地一開口佢就好驚要逃走! 哈哈! 本身都諗緊好唔好再餵，之後有兩個台灣男仔拎住D草話俾我地，我地問佢做咩唔餵，佢話佢餵左好耐，咁我地就唔客氣啦！
warm up左一陣，勤勤又餵wo
之後好快我地就明嗰兩個男仔講咩喇....因為D鹿太飽，所以唔想食野，我地俾極都唔食.....
之後我地都放棄無餵晒...行去湖邊睇鴨鴨。勤勤啱啱學行路，拖住佢都行到幾步。
我叫爹地Jack幫手影我地個背影又搞到咁......
經我指示後.......
同一個景都真係可以相差咁遠...哈哈
之後我地叫小黑車我地去買手信，買完之後我地就叫小黑車我地去「問鼎」度食麻辣火鍋，佢仲好主動話幫我地車D手信番民宿，真係貼心到不得了!
當我地俾今日既車費小黑既時候，諗住佢應該起碼都會加番今日幫我地買門票既錢同停車場費啦，點知佢真係問我地收番TWD3000。我地就梗係唔好意思啦，仲要收埋人地送俾阿仔份禮物。我地俾左TWD3500佢，佢仲話唔好意思收，佢如果唔收就係我地唔好意思就真喇!
之後我地入到去食野，阿仔又瞓左覺，真係乖仔到不行，我地可以好安心咁食左成兩個鐘頭火鍋!
圖中好靚嗰碟係花蓮出名既曼波魚，晏晝喺餐廳食都仲還可以，但呢碟真係唔得，又un又冇味，唔知係咪曼波魚都有分級數。
本身諗住整定阿仔D野食餵埋佢先走，點知佢乖到我地食完晒佢先起身，於是我地決定番民宿先俾佢食，埋單嗰陣話有得參加幸運大抽獎，呢D時間梗係俾阿仔參與啦! 點知爹地Jack一下就轉左，又好彩俾佢轉到再抽一次，之後阿仔一轉，竟然俾佢轉到全單85折，我地勁開心，阿仔見到我地好開心佢都唔知做咩，但流露左一副勝利既眼神，哈哈!!
我地真係好好彩，我地全日玩既時候都好好天，係食緊飯先落大雨，我地唯有叫餐廳幫我地call的士。本身架的士停左喺對面，我地問個職員幫手叫架車駛入黎，之後佢拎住把遮幫我地行出去同個司機講，咁大雨其實拎左遮都會濕，所以都唔係幾好意思.......
之後上左車但發生左件小插曲，話說唔知邊個講錯定唔知邊個聽錯，我地講中山路又聽左中正路，結果架的士兜到勁遠，我地發現錯左，個司機勁勞氣話我地講得唔清楚，其實我地應該講啱條街名，但我地講左喺橋邊，但其實應該係地下道邊...所以誤導左佢。咁我地都冇爭辯落去，但之後發現.....原來我地真正要去既地方係喺間餐廳轉個大彎就到........本身我地諗住照俾番跳左標既錢，反正我地都有唔啱.....佢又咁嬲......但佢竟然堅持只係收番本黎去呢個地方收既錢.......!! 即係佢嬲點都係嬲，錢係解決唔到.......opps! sorry lor~~咁我係遊客，唔識路都唔想既....
之後我地入到間新既主題房! Wah~~~~~
無錯喇! 係由天黑玩到天光既!
但呢個滑梯要上上層，而上層既窗都比較大，而另一邊地台其實比較高，因為我地勤勤仲係小小B，所以要好小心睇住佢，我地搬左上層個床裖落去個地台邊，以防佢會跌到，而樓梯就搵野檔住佢等佢自己上唔到去上層。但呢個百厭星淨係喺地面玩都玩到癲左，結果都撞到個咀仔流左少少血, 但可能太太太好玩，喊左一下又繼續再去過.....真係救命.....如果係大DD既小朋友黎到，由我佢自由發揮，爸爸媽媽就可以抖下囉!
