我地去再次去Skylight度食午餐，我只係食咗少少水果同蛋糕已經唔能夠再進食喇.......之後我真係好攰，懷疑我係有腸胃炎，所以有D手軟腳軟嘅感覺.....無奈又check out咗，所以我就喺酒店大堂嘅凳度小睡片刻.....雖然無冷氣，但有少少涼風吹埋黎都好舒服.....我一瞓就瞓咗一個鐘！
之後醒咗，我地就沿住條路行去K-MART，步行上去會途經"I LOVE GUAM"嘅Graffiti，因為實在曬到痴線，我地快快影咗幾張相就走咗喇！
K-MART其實真係麻麻地好行，我地再行多次都係無咩野買到！不過因為距離去機場仲有時間淨，所以都要打發一下時間嘅！
我地番番去等接送架車黎，呢個接送係當日day trip包埋的，架車本身話4點半會到，但4點左右就黎到，但架車又齊晒人架wo，黎嘅時候，呢班人又係趕住走咁，走嘅時候又係，呢班人究竟黎做咩架呢？(滿頭問號)
去到機場，我忍唔住食咗粒消炎藥，去到機場個food court已經好番好多，積食個burger king時我已經有胃口食到少少薯條。話晒我全日只係食咗嗰幾件水果.....不過上到機嘅飛機餐都係食唔落......我下次真係唔夠膽食咁多喇 > <
沒有留言:
張貼留言