簡單講講對新加坡嘅感覺，幾年前曾經因為見到Tigerairway有超級劈價優惠，$9xx連稅嘅來回機票，嗰時諗都無諗就買咗！廉航嘅特色就係個出發日子距離幾個世紀咁遠之後，我就因為咁，當年買咗張機票大半年後，我就轉咗工，因為拎唔到假嘅關係，我cancel咗張機票，當時係一蚊charge都無收到，呢個係值得加許嘅！而我最想講嘅係因為當年我買完張機票，試圖去研究下有咩玩，我先發現新加坡呢個地方真係好吸引唔到我。。。所以cancel咗張機票先後係開心嘅！而今次去新加坡嘅原因係。。。99指定話去，而我同媽本身又真係未去過，就姑且去一次啦！
本身積係超級路痴，加上係從不involve計劃行程，今次帶住兩位媽媽，令一個勁憎跟團嘅人曾經一度考慮過放棄自由行！但最後我真係接受唔到去新加坡都跟團，於是膽粗粗帶住一個路痴加兩位媽媽自由行遊新加坡喇！
左度度右度度，最終揀咗最經濟實惠嘅Scoot航空。其實除咗價錢之外，個時間都非常爽，係超級早機去，超級夜機番！本身都擔心媽媽們嘅體力唔夠，但佢地分別都有坐夜機嘅經驗，加上自由行黎架嘛，鍾意訓就訓架啦，所以照去馬！
因為機上係唔包餐嘅，好處變相係無人打擾我地嘅休息時間，我地一上機就訓到落機！
落機之後兌完錢，第一時間就係去坐MRT喇。
我地頭兩晚酒店都係喺位於聖淘沙嘅Movenpick Heritage Hotel，而第一站就搭到去Harbour Front站。
轉Sentosa Express之前，我地去到個Food Court醫醫肚先。第一餐點都要食下新加坡嘅特產先啦，海南雞飯、肉骨茶、喇沙就唔少得啦！
位於Vivo City三樓嘅Food Republic嘅裝修好有懷舊氣息，座位都好寬敞。
食飽飽就出發去酒店check in喇！本身諗住買定飛睇聽晚沙灘個show - Wings of Time，點知職員話聽日去到先買 (多謝佢幫我地慳番4張飛既錢，因為最終我地係無睇到，稍後再講)。之後我地買咗Sentosa Express嘅Ticket去位於Imbriah station嘅Movenpick Heritage Hotel喇！
我上網見d人話買一張飛係任搭，原來係因為第一次入咗閘之後，喺聖淘沙範圍內搭express都係自由出入。但如果喺sentosa station出左閘就要再買，不過因為入住sentosa嘅hotel，佢地係會俾張真正任搭嘅飛我地自由出入的。
因為黎之前睇咗一集「十二道鋒味」，連謝霆鋒拍野都搵movernpick呢間酒店，即時覺得再upgrade咗！點知。。。黎到之後仲surprise！因為我地mark咗係honeymoon嘅關係，佢upgrade咗我地去套房！(雖然帶兩個阿媽去honeymoon係唔make sense，但唔理啦！)間房對正個魚尾獅！WO~HO~
仲送多個蛋糕添呀！
我地去關島真正honeymoon時，得張咭。。。啊！唔係，係得張紙喳！(唔可以用咭黎形容的-_-) 哈哈，俾個機會我地再度honeymoon啦！間房超大超靚，俾我同老公過咗一晚honeymoon啦。。。因為第二晚，某D原因下我地換咗房，我就同咗媽咪一間房！同媽咪喺間咁靚嘅房促膝長談又有唔同感覺啦。
入住Movenpick每人會送一杯Movenpick雪糕，出發之前齊齊去食左佢先啦！ＹＵＭＭＹ～
之後我地就出咗去附近影相喇。
咁近魚尾獅梗係影一陣先啦！
我地仲話，可能喺房影得仲清，哈哈哈
出門前房間影的 (笑)
有同積合照，我竟然教到我媽用單反，我媽嘅學習能力超乎我所想！
魚尾獅後有個步道，好有西班牙feel呀！
行下行下，原來已經去到Beach Station，但我地之後會再去沙灘遊覽，所以影幾張相就坐番Express去番Waterfront Station喇！
遊覽完我地去換定預先買咗嘅環球影城飛。
再去賭場行咗個圈。
之後就出發去番VIVO City喇，時間尚早，喺門口個公園影多陣相先去食晚餐！
食無招牌海鮮！YUMMY~~
叫咗招牌辣蟹，個拑超大隻！個汁真係好好味，如果喺香港，一定會拎走番屋企慢慢食！仲有麥片蝦，都好好味！個豆腐超滑！
食完之後就去咗supermarket度shopping，shopping完之後，我地就番番去聖淘沙睇「仙鶴芭蕾」，係有兩隻機械仙鶴，唔駛錢黎講我覺得係唔應該錯過嘅！
之前再去隔離睇Lake of Dream，呢個噴水表演就真係爭少少喇，不過唔駛錢黎講，都可以一睇啦！哈哈！
晚上嘅魚尾獅。。。
睇完就番去酒店休息喇！
沒有留言:
張貼留言