新加坡四日三日破天荒之旅 (Day 2 - 環球影城、老巴剎、魚尾獅、金沙酒店)

第二日一早起身，發生咗D唔係太愉快嘅事。但唔理喇，黎到旅行，行程就梗係要繼續啦！ＧＯＧＯＧＯ！本身諗住去環球影城隔離嘅馬來西亞美食街食早餐嘅，點知原來今日唔係星期六、日，係冇咁早開架！咁就轉陣坐Sentosa Express出番Vivo City食亞坤喇！反正車係任搭架嘛！

好好味嘅多士，好薄好鬆脆，食完已經想encore喇！

食完之後就攻入去環球影城喇！Ｙｅａｈ～～

可能係閒日嘅關係，唔係好多人排隊，好多野唔駛排好耐都玩到！

Transformer係新加坡環球影城嘅皇牌！兩位媽媽都好enjoy～

好多機動遊戲都唔算好刺激，媽媽都玩到。果然真係好適合親子黎嘅地方！

阿媽去度邊都掛住買野俾Gerald，借黎做道具影下相先！

呢個荷里活片場特技，睇到一半話因為天氣惡劣要暫停，其實都只係有毛毛雨。。。。本身都諗住等多陣，但大部份人都起身走，就算開得番，大會見到個場得小貓三兩隻都唔會做啦，所以唯有走人啦！

真係玩足大半日，值回票價呀！

尋日嗰篇都講過，我地本身諗住去沙灘睇Wings of Time個show，但因為尋日已經睇過兩個免費版，加上今日喺環球影城都睇咗好多個不同既show，所以順便慳番荷包唔唔睇啦！

番去酒店洗個面之後就坐的士去老巴剎食晚餐喇！

本身新加坡坐的士，4個人的話係抵既！但原來喺夜晚係要收附加費，係每跳一下標都要加，所以5點後坐的士就唔抵喇！

老巴剎係大排擋咁，但係真係好乾淨，地板好乾爽，同一貫大排擋既感覺好唔同。

一坐低就有不同舖家嘅人過黎，俾個餐牌問你叫唔叫佢D買野食。叫咗串燒、海鮮、小炒！

食完之後外面又落起雨黎，所以諗住行去金沙酒店參觀下個賭場，行下行下又細雨少少，所以行咗去河邊睇魚尾獅同欣賞下金沙嘅夜景。

睇完之後，我地就坐的士去金沙，夜晚如果喺魚尾獅方向睇就可以睇到激光表演，如果係金沙方向睇就係睇個水幕表演。因為我深信激光表演會同「幻彩永香江」好相似，所以我就選擇睇水幕表演。去到嘅時候已經有人坐喺度等緊，我同媽媽就睇水幕表演，積同佢媽媽就去賭場玩。

睇完之後，本身想坐的士，但實在太長龍，所以就坐左地鐵轉聖淘沙express番去喇！