食完之後爹爹對我真係好，帶咗阿仔去地下玩，我終於可以喺房休息一陣!
民宿老闆好熱心教佢地點玩由老闆親手整既巨型彈珠機!!
呢個小朋友好忙! 哈哈!
由於我地諗住買遠雄海洋公園既午後票 (真係平好多呀!)，咁我地朝早仲有時間可以去行下街食下飯。因為我地想去食賴桑壽司屋，所以我地就坐車去咗遠東百貨行下街先。
時間有限，一黎就行超市啦!!
主要買咗D零食做手信，買左件衫仔同鞋仔俾勤勤，之後就出發去賴桑壽司屋喇! 其實就喺隔離街。
呢個賴桑壽司屋喺花蓮都好出名，話平時係要排長龍，仲話只可以點一次餐，唔可以再加單，就係咁就出事喇!
因為個餐牌又冇相，我地又驚無得再加單，之後一叫就叫左咁多，上菜既時間發現........
係老連咁大舊!!
加埋我個樣可能會易D睇到個比例，哈哈!!
除左碟菜係細少少之外，其他野都係老連咁大!!
忍唔住又要講下，阿仔又係好乖咁瞓左覺，哈哈!!
其實呢間壽司主要都係sell大件，味道其實好一般，我地最後都冇浪費，我地打包左拎番民宿放入雪櫃，之後今晚再食過!
我瞓醒食飯飯喇，yeah~!!
之後我地就出發去海洋公園喇! 再講多次午後票真係平好多，但只限暑假期間先有!
超級好天!! 曬到一個點!
帶住勤勤玩唔到機動遊戲，主要都係睇表演，我地按住表演既時間去參觀，坐下覽車先。
個景咁靚，俾下面好wo......
有冇咁悶呀....?
係都要吮手指.......
之後玩旋轉木馬.......呢張都呃到下人
但事實係佢唔知做咩係咁想走佬....
坐呢個都係要走佬......
之後落地俾佢行又唔肯.....
um.....算數! 影下相等睇表演....
呢個阿仔入去影相，但玩既其實係爹爹.......
有歌舞表演，少爺勤終於都開心番少少... (安慰)
之後再帶佢去睇海獅表演，我地坐喺最前嗰一排
其實都係一般般，唔係特別吸引 ^^"
之後過下冷河去個室內水族館
志在嘆下冷氣，哈哈
之後再去睇埋個海豚表演。um.... 呢個係幾乎瞓著。佢係用個故事內容去串連，但個故事又唔係真係好吸引咁囉。
之後散咗場大家都準備走喇。唔怪得朝早喺民宿嗰家人話香港個海洋公園好玩D！如果唔係有午後票就真係唔太值得黎喇。
之後我地番到民宿，諗住食番午餐淨咗嘅壽司，所以諗住喺附近買多少少外賣食下，我地本身想食魯味，民宿老闆介紹我地附近有一間，點知行到去無開門，於是喺附近買咗D炸雞，餃子之類。結果買下買下又買得太多，最後D壽司又食唔晒。。。
仲要唔記得打包d豉油，好彩民宿個老闆喺度，問佢借咗d豉油，哈哈！
民宿老闆好好人，我地食野其間同佢傾下計。因為其實我地都曾經有幻想過喺台灣開間民宿，所以今次又襯機同老闆傾下計，其實個現實並唔係我地平時去住民宿見到d好似好寫意咁。因為老闆自己有3個小朋友，佢話經營民宿最peak season就係假期，而可以同小朋友出國既時間亦都係假期，所以好難可以同自己小朋友出去玩！就我地眼見，我地傾傾下計，老闆個女叫佢陪佢去夜市佢都話行唔開.......之後老闆娘都一齊同我地傾，話好想同D小朋友去香港迪士尼樂園，仲拎埋個計數機出黎計要幾多錢，哈哈！所以話，現實同幻想係有一大段距離！
食飽飽之後我地就番上房，呢個小朋友真係幸福到呢！又有新既主題房喇，今晚係變型金鋼！興奮到佢呢！
第二日早機，我地起身就直接出發去機場喇！
民宿老闆仲好好咁幫我地準備咗餐盒，講番呢幾日民宿既早餐真係好好食！
準備幫阿仔架BB車寄倉, 仲氣定神閒吮緊佢隻手指
唔食奶咀既BB當個西蘭花係奶咀, 哈哈
一上機食奶奶又訓覺，認真抵讚！
坐緊機場巴士番屋企都仲勁hyper！
今次第一次帶15M既勤BB去旅行，佢好合作又玩得好開心！係大家好難忘既體驗！
可以籌備下次日本之旅喇！Yeah～
沒有留言:
張貼留言