前一晚我地同佢食farewell飯，我仲買咗份小禮物送俾佢，仲代阿仔送咗一隻佢嘅貼身公仔doggie俾佢。
呢一朝當我地執好行李準備出發去旅行，亦係第一代姐姐離開我地屋企嘅日子。我地係第一次請工人，而佢由阿仔未出世照顧到佢而家兩歲，點都真係會有感情，所以其實今日個心情都有D忐忑。
我地上咗Van出發去機場，見到企喺車外嘅姐姐喺度喊，呢個畫面都真係有D心酸。。。
鏡頭一轉我地就到咗機場喇，勤勤個私家喼大派用場喇！
Check in完入閘，過關時因為勤勤手拎嗰隻doggie都要放上個行李X光機做檢查，俾人拎咗dog dog之後佢爆喊，哈哈！
然後我地就去咗個VIP lounge度食野，Daddy成日都要坐飛機出trip，佢申請咗張AE咭可以免費去個lounge度食野，佢俾咗張附屬咭我，我今次先第一次用得著。
勤勤食得好開心
之後我地就準備去登機喇，特登再俾勤勤周圍放下電，等佢一陣乖乖瞓覺！
上次同勤勤坐飛機佢仲食緊人奶，加上只係1個鐘頭既機程，過程安然無恙食住奶奶瞓足全程！但今次要坐成4個鐘，我都好擔心會頂唔住，仲特登帶埋部tablet download晒D卡通同遊戲。點知，佢竟然一起飛就瞓咗3個幾鐘！
一起身已經準備落機，仲好乖乖一齊睇風景。我即刻同爹地講話，下次再去遠D都得喇！
因為勤勤仲未夠2歲可以當手抱嬰兒，一直有媽媽抱住既佢真係好乖乖，但如果第時要佢自己坐自己個位就唔知會點喇......
拎完行李要氹佢上BB車，零食又要出動喇！
因為仲要去排隊買埋大阪周遊咭同過兩日去神戶要用嘅阪神電鐵One Day Pass
大阪呢D旅遊Pass五花百門，扒咗好耐文應該呢兩款係最啱用！
買完之後就去坐車出市區喇，喺HKExpress上面已經買咗南海電鐵rapit嘅車票，去counter換番要車飛。
等緊車嗰時勤勤見到個汽水機話要買，因為我地冇散紙，呃細路嘅技倆又要使出喇！我拎番佢包果果當係喺個汽水機到跌出黎，哈哈！
Rapit貴少少，但快D之餘仲有劃位，有得放行李。
之後仲發現勤勤痾咗poopoo，但拎住太多野，又搵唔到地方換片，無計啦，快快去到民宿先算喇！
去到天下茶屋站我地就落車轉地鐵，呢個時候，衰仔又唔肯坐BB車，結果仲要咩住佢再推埋D行李。。。
終於去到長崛橋站，最近個出囗行過兩條街就到，但就無lift......我地今次係第一次喺airbnb租民宿，屋主事前會send一大堆指示同密碼俾你自己去攞鎖匙，個過程好似我以前玩biohazard呢D RPG game咁要解密，終於成功拎到鎖匙可以上房喇！
間房同睇相一樣，同一個價錢但大過租酒店好多，正呀！！我地一連五晚都會住呢度喇。
安頓好D野之後就出發搵野食喇，我地本身book咗聽日先去釣魚茶屋，但今晚又無咩心水食咩，諗住walk in睇下有無位。
到咗喇，要落地庫嘅，去到本身佢話無book就無位，之後我地話book錯左聽日，咁佢就話無得坐隻船邊，得包廂，費事行黎行去就話好啦。
如果有得坐船邊就可以一邊坐一邊釣。
我地坐包廂係要行去個角落頭度釣，雖然係易釣D無好無feel。。。。阿仔企喺度又唔夠高睇，抱住佢又無手釣，仲要開始肚餓。。。。所以已經由本身諗住又食又玩既心態變成想盡快釣到。
如果有得坐船邊就可以一邊坐一邊釣。
我地坐包廂係要行去個角落頭度釣，雖然係易釣D無好無feel。。。。阿仔企喺度又唔夠高睇，抱住佢又無手釣，仲要開始肚餓。。。。所以已經由本身諗住又食又玩既心態變成想盡快釣到。
好彩我不負眾望，應該話不負爹哋同勤勤所望，喺氣餒之前我就已經釣到一條喇！！梗係影相先啦！！
我地揀咗一半係刺身，一半係牛油炒，之後再叫咗D烏冬同飯，每碟野都好細，味道其實都好一般，呢間野都係以玩行先。
食完之後我地慢慢向心齋橋方向行番民宿。
個screen影到條街，勤勤同爹地上鏡呀 XDD
番去之前仲去咗一round玉出超市。
買咗盒海膽刺身，又買左盒士多啤梨俾阿仔食，雖然係平，但質素麻麻地，我覺得玉出有少少似香港既佳寶feel。
食完之後就瞓覺lu，阿仔一如以往都係唔怕生保床嘅，瞓得好淋。
個screen影到條街，勤勤同爹地上鏡呀 XDD
買咗盒海膽刺身，又買左盒士多啤梨俾阿仔食，雖然係平，但質素麻麻地，我覺得玉出有少少似香港既佳寶feel。
食完之後就瞓覺lu，阿仔一如以往都係唔怕生保床嘅，瞓得好淋。
沒有留言:
張貼留言