一連兩日會用大阪悠遊咭，所以重點集中去D免費景點。
一早就準備出發去大阪今昔館。尋日拎上飛機食淨咗既pizza都仲未食，食埋佢做早餐先。
一塊pizza仔梗係唔夠喉啦！坐地鐵去到天神橋筋六町站，買盒章魚小丸子做早餐先。
今昔館就喺車站隔離，可能今日係星期日，黎到要排隊入場，之後要放D野入locker，最鐘意打掃嘅勤勤係咁喺度幫人抹locker唔肯走。。。。
放好晒D野之後就入場喇。上左頂層再影番落去，佢會無啦啦變左夜晚，又會變左行雷。
本身今昔館最大嘅吸引點係可以著和服喺入面影相，但最細件都唔啱勤勤著。佢地係用攞疇黎排隊，發現仲要等成個鐘先可以排到著和服，所以就放棄咗。
周圍影下相就算喇。
勤勤見到呢隻機械狗喺度扮佢
阿仔影相成日都唔合作
自己影下先
勤勤對咩都覺得好新奇
行落下一層班房，一帶勤勤過去坐人地就落堂lu~~哈哈
孤單的背影
玩完之後我地就去搵食喇，網上D人話有間鰻魚飯好好食，我地沿住天神橋筋一直行，見到呢隻玩具狗狗勤勤好鐘意，印象中好似喺玩具反斗城都見過。勤勤勁暴力，係咁塞張紙去狗狗個咀度，如果係真嘅狗就不得了喇，所以都係俾隻假嘅佢玩下算。
到咗間鰻魚飯店喇，要排一陣隊，門口望到係Bar枱咁嘅setting，仲好驚要抱住阿仔黎食
原來佢樓上仲有其他座位，我地安排咗喺個廂房坐塌塌米
最基本嗰款鰻魚飯最好食！外脆內軟，仲有D魚油流出黎～yummy！仲叫咗個魚肝同鰻魚玉子，諗住玉子阿仔應該最鐘意食，點知佢又唔吼。
坐車去到森之宮站阿仔難得瞓咗，見到隔離有個Q's Mall。
入面有間好大嘅Seria 100Yen店，忍唔住要入去行下，好多野買，日用品同小朋友野都有好多！
點知買買下阿仔就醒咗又扭計，唯有叫Daddy帶佢出去行下！
買完之後見到隔離有間Gap outlet就當然唔可以放過啦！阿仔收獲又有一大袋！
終於出發去大阪城公園喇，去到見到架小火車，買張飛遊下園先，之後原來已經差唔多4點，好多悠遊咭嘅景點都已經就黎關。
落咗小火車之後見到御座船仲有人等緊，即刻衝過去睇下仲趕唔趕得切，點知原來換票處一早已經關咗lu～～～ 眼望到天守閣仲有一大段距離，都費事帶住阿仔趕頭趕命，所以都係放棄，決定慢慢行喇～～～發現帶住小朋友去旅行要將原先想安排嘅行程減半先得！
勤勤一見到我地用支自拍神棍，立刻進入瘋狂狀態！拎住我地個電話不停數一、二、三! 一、二、三。不停咁走，不停咁影相........完全進入失控嘅狀態！
影咗成百張相都唔肯走.......仲搶走我地部電話
想同佢影張正正經經嘅全部都fail......
之後我地再向上行發現個公園大到不得了，再行都唔知一陣點行番出去。之後決定準備撤退！
阿仔仲係好興奮走來走去
呢個小朋友好開心！
用GPS見到我地喺幾個地鐵站嘅正中間，即係去邊個都好遠，最後向"大阪商務園區"站方向行，因為遠望到有好多靚梅花！
頭先影唔到相，行過呢度影番先
唔夠膽再拎支自拍神器出黎........搵途人幫手揸機穩陣！
終於有張正正常常嘅合照喇！
行過去梅花區，好靚呀！！
難得呢張阿仔合作，後面又有個路人甲......
影完就真係撤退喇，係咁行係咁行......都真係幾遠！
之後我地為咗可以盡用張悠遊咭，決定去梅田坐HEP Five 摩天輪，所以去附近食無添壽司！
按照GPS定位都行咗成15分鐘先到，入咗夜都幾凍下，阿仔喺BB車瞓咗覺。所以可以入去坐低慢慢等，都等咗成粒鐘先有位，之後叫醒阿仔就麻煩喇！原來頭先太耐無同佢換片，成條褲濕到出黎.......又無位換片，唯有抱佢入廁所企喺度換......勁輪盡出番黎終於有得食！之後個衰仔又唔肯食野，又扭計又唔肯自己坐搞搞震......好不容易先食得完！
出到去發現再凍咗，要帶阿仔去買多幾條保暖褲先得喇！
我地去到HEP Five，上到最頂層就係坐摩天輪嘅地方，唔駛排隊就入得lu！
呢個摩天輪以悠遊咭包咗嘅項目黎講真係值得一去。
去到最高都有D驚
落番黎仲買咗張紀念相
之後見到有呢個wild river都係悠遊咭嘅免費項目
不過勤勤唔玩得，所以就走lu。
今日發現原來帶住勤勤，行程嘅時間要雙倍咁多！所以行程唔可以安排得太緊湊喇！
沒有留言:
張貼留言