今日book咗南怡島一日團，比起尋日更加晨早出發，直接將阿仔移上BB車繼續瞓 XDD
喺新世界百貨隔離個噴水池上車，酒店行過去10分鐘左右，點完名就上車喇。個團仲包咗每人一支水同一件麵包，都幾貼心。阿仔上到車仲瞓緊....
到咗第一站 - 江村鐵路單車
阿仔見到我副太陽眼鏡就爭住拎黎戴
仲執埋支盲公竹 XDDD
我地要坐4人車，所以要夾住兩個團友一齊坐，上車之前快快影多幾張相先
導遊姐姐baby係當地讀書嘅香港人，佢喺車上面已經好生動咁教我地點擺pose，佢會幫晒所有人影相，佢連環影咗成廿張，有幾張都OK，哈哈
架車有分前後座，本身應該係腳長嘅坐後面，我分明就係腳短 XDDD，同埋阿仔都應該坐前面先睇到.........但同車嘅團友一黎就問我地介唔介意佢地坐前面，咁就算啦，所以我地坐咗喺後面。
沿途個風景都好靚
但其實望去前面係會俾兩個大大人影遮住 ><
途中會經過幾個山洞，每個山洞嘅主題都唔同，有個係有bubble既，有個係好似落左Disco咁，有個係有好多浪漫燈光嘅
基本上架車唔係好駛用力都會向前 (定唔知係咪其實團友好用力 XDDD) 我抱住阿仔，所以基本上其實我係踩唔到嘅
半個鐘左右多少少就到咗個check point
有個休息站可以，有間小食店可以買野食
個風景都係好靚
我地買咗D蛋，但個質感好奇怪，好似塑膠咁，又未去到鐵蛋咁硬，但總之就好膠
阿仔見到條樓梯就話要行落去，之後仲爬個欄杆，我地阻止佢，就喊到咁喇........
的走佢之後就上咗架小火車
坐左一陣好快就落車喇
之後就去咗食春川炒雞 (唔記得影相) 個味道都唔錯嘅，但阿仔又絕食。之後導遊姐姐仲介紹我地可以買手信，佢都幾平，所以我地都買咗一大袋
之後上番車我地就出發去南怡島喇！
有兩個方法入島，一個係坐船，一個係吊繩索咁滑過去
咁我地當然係坐船啦，團費包咗船飛架嘛
一落船阿仔就瞓咗覺喇。
團體合照，但阿仔瞓咗...
熱辣辣食杯雪糕先
沿住個島周圍睇下風景
阿仔終於醒咗喇！
行行下見到有隻....松鼠?
有得睇鴕鳥
晏晝阿仔冇乜食飯 ，特登買定支粟米俾佢瞓醒食，定原來佢係糯米粟，好硬，阿仔食咗兩啖唔吼
之後就夠鐘坐船走lu～～
出發去下一站，小王子法國村！
風景好靚呀！
\
Hi～～你咁高嘅？
好fail嘅face hole
遇到個導遊姐姐，佢又好主動幫我地影相
我睇你唔到！
一日團就完結lu～好豐富嘅旅程！每位500蚊有找，阿仔未夠 3 歲仲唔駛錢！已經包埋D門票，船票同午餐，真係抵到爛！ 仲另外加送Teddy Bear門票！絕對唔係D sell你買野嘅購物團，真心推介！
完結之後，我地揀咗喺弘大度落車諗住順便行下街。冇咩心水食咩好，求其揀咗間食海鮮鍋。
仲叫咗隻生魷魚，其實佢冇咩味，但黎到韓國點都要食下嘅
阿仔瞓咗覺，我地又可以慢慢食
好大鍋，但味道其實都係一般
之後就去咗弘大行街
阿仔唔肯坐車.......
呃番佢上車先繼續行
我自己一樣野都買唔到，反而Daddy Jack有收鑊
有好多年青人做街頭表演
之後番到酒店樓下，原來樓下就有間TWOTWO Chicken，買外賣番酒店食
勤勤又貪得意一齊食
行程豐富嘅一日完結！
