平時例牌係會揀hkexpress，但今次見航班時間唔靚，所以揀咗Jeju airline，同埋勤勤今次要買機票lu。
之前上網爬文，見到原來Jeju airline係只可以15kg一件行李，無得加埋一齊用。。。所以今次帶咗兩個喼去。
今次執行李無用清單，憑空去執，咁就出事喇。。。前一晚我執緊行李嗰時都話想拎定架BB車出黎，Daddy信心滿滿咁話一定會記得，而我都諗住咁大架車應該唔會唔記得。。。。點知因為朝早掛住執野準備過兩日裝修個露台。。。。呢個畫面就出現咗喇。。。
架BB車呢。。。。
好彩有工人姐姐喺屋企，都叫做俾程gogovan解決咗
Daddy去Terminal 1度拎wifi蛋，我同勤勤周圍行下先，見到阿信屋有粟米，買定一陣俾勤勤喺飛機食
佢好happy咁放入自己個喼度
拎咗架BB車之後，因為又想去Cathay Pacific個VIP lounge，所以成個過程都好趕。。。。
三爬兩撥食咗堆野之後就衝去登機喇。
上機喇！
勤勤今次有自己個位，我終於對腳可以舒服D喇！
但另一邊廂我又好驚起飛嗰時阿仔要自己坐一個位會扭我抱。。。之後仲要delay咗大半個鐘。。。好彩我之前幾個禮拜已經同佢洗腦，話勤勤大個仔，坐飛機要自己坐一個位，要扣安全帶，所以佢一上機就自己loop呢句對白，哈哈！
不過今次瞓唔到去到落機，準備好嘅架生要出動喇！
首先就係食頭先買嘅粟米，咁都消磨咗幾個字。
之後有剛剛喺機場Kawaii Land買嘅簿加姨媽送嘅顏色筆！畫咗好多好多幅畫，再玩埋lego，終於都到喇！
為咗氹阿仔坐車，必殺技芝士條又出現喇！
買咗張T money再充埋值，就去坐6015直接去明洞，坐坐下開始有D落雨同塞車。。。坐咗個幾鐘終於都到站喇！
我地今次住酒店無揀民宿，落咗車過對面馬路就到Pacific Hotel喇！
一入房阿仔就話要搵婆婆，之後幾日逢係番酒店就話搵婆婆，仲掀起張床單睇埋個床下底，之後又話要打電話俾婆婆。
之後我地就立即出發去食野喇，因為delay咗一個鐘飛機，本身預八點幾可以食飯，變成九點幾，所以揀咗比較近少少嘅王妃家。搬完樓梯上到去，佢地話有party要早少少關門，叫我地去另一間分店。好彩阿仔好乖， 話無得食飯飯呀，又再乖乖坐番喺車。
本身路程就唔係好遠，但因為落雨。。。。又有少少涼涼地，一條氣衝過去，終於可以坐低喇！
我地叫咗份韓牛同五花肉仲有份海鮮餅，個menu望上去好似好大份咁，原來角落頭寫住圖片係三人份量。。。。。
所以到上枱嘅時候係好細碟。。。
勤勤好興奮咁。。。搗亂！
有Oppa幫手燒
但唔知係燒得太熟定咩，味道其實好一般
反而個海鮮煎餅有驚喜！
食完之後行咗一轉明洞超市，係一間唔係好抵嘅手信店。。之後就番酒店lu
沒有留言:
張貼留言