帶住阿仔去旅行 - 大阪篇 (黑門市場，回程)

今日係最後一日，因為尋日趕住番去幫阿仔探熱，所以無咩買到手信。今朝一早就殺番去黑門市場掃一轉先！要行路過去，又呃呃氹氹阿仔上車先。

到咗黑門市場喇，今日主打乾貨。

但都要食多次士多啤梨先，呢杯係D就黎爛，老闆切走咗D爛嘅黎平賣，味道一樣好！

經過咗咁多次心齋橋都無行過呢條橋，影張到此一遊先。

買完野仲有少少時間，其實都唔算有，係夾硬都要去！去食碗鈍屋拉麵先！好彩無人排隊，即入！

因為好趕時間，又無BB凳，直接由阿仔坐番喺BB車算。佢仲係無胃口，俾拉麵同餃子佢都無食，係咁淨係玩飲水。

趕頭趕命番去拎埋行李，再行去坐地鐵轉去難波站，因為好多野拎，要兜去個有lift嘅出口，行到一半已經後悔做咩唔坐Taxi.....

終於上到機場地鐵喇！阿仔好似精神番

So sweet~~~~

好興奮自己拖住個喼

臨上機有個位可以玩

好盡責

Daddy加錢買咗個fast pass，話可以優先上機，但明明都劃咗位，咁快都唔知做咩。。。

6日5夜嘅行程就完結喇，之後就係惡夢嘅開始......因為新嘅工人姐姐無上機................開心埋呢下啦！全部都係勤勤嘅！