帶埋阿仔去旅行 - 首爾篇 (南大門、東大門Tayo Cafe、昌信洞玩具街、Teddy Bear Museum)

今日一早出發就行去南大門度shopping先，尋日經過見到Isaac，但太多人冇買到，今日行過去買番份先。行緊過去就開始落雨，我同勤勤企埋一邊避雨，Daddy出去排隊。

唔知邊款好食，求其點咗兩份。

好多料，仲好Juicy！

勤勤都食到lam lam脷！

之後就繼續行去南大門喇。有baby shark T-shirt呀！

D商舖全部都好窄狹，基本上推住架車都唔係好行到。所以我地決定放喺門口，行完再過黎拎番，應該都唔會有人拎掛?

之後我地去到每一個商場都放架BB車喺門口，我就咩住勤勤入去。

我地唔算買咗好多，但之後我地去到百貨公司，見到D款全部喺南大門都有得賣，價錢貴幾倍！如果我地係調轉去左百貨公司先，去到南大門一定會失守！

之後我地就坐車直接去東大門，我地黎咁多日都冇影過D古式建築物，出站見到呢個當影左啦......

之後去到DOOTA Mall，我地黎嘅目的並唔係Shopping

而係........

鄭樂勤發達喇！又係Playhouse呀！呢個係Tayo Cafe！

見到呢個粒粒池真係不得了！

進入忘我狀態！

俾我捉佢出黎玩下其他野先，有得扮消防員

真係好學，黎到呢度都掛住睇書，但呢度入場係計時玩，睇書定係番屋企再睇呢....? (汗)

射波波！

推呀推呀~~~~~

Sir 滑梯同波波池

算係Tayo Cafe既地標

有得揸車，媽媽覺得最值得玩係呢個，捉咗佢去玩

每人玩幾分鐘就要到下個喇

玩咗一陣又番黎呢個粒粒池.....

有得扮醫生，勤勤似模似樣咁

佢真係去幫逐隻動物睇病 XDDD

仲餵佢地食藥

又幫佢地探熱 XDDD 好Pro

件袍長到拖晒地 XDDD

玩到差唔多我地就喺佢入面間Cafe度食野喇，D野食都好啱小朋友食

之後我地就行去昌信洞玩具街

其實有少少似深水埗，有D望上去 D Quality都係一般

有D放出黎又冇寫價錢，樣樣野都要問，最憎就係咁！

有Baby shark嘅玩具，但一D都唔平

我地買咗少少阿仔最新鐘意嘅Pororo周邊物品，手錶、筷子、汽球

阿仔又瞓咗，所以都睇唔到D玩具

報個one day tour嗰時送咗張Teddy Bear Museum嘅入場券，就喺玩具街隔離，咁就梗係去埋啦！

我地去到勤勤都仲未瞓醒，我地自己影一陣相先

少爺起身喇！同佢影下寫真先

勤勤真係好鐘意公仔，見到咁多熊Bear Bear真係開心死佢！

忍唔住要攬下先！

有好interaction XDDD

成個場都好似冇人咁，我地包場任影！

不停勁影！

佢又忍唔住！攬下先！

入到黎呢度真係不得了，又海洋世界，又動物園

仍然都係包場！呢個位係D小朋友玩嘅位，但冇人冇氣氛，佢自己一條友都玩左一陣

最後出到黎有間shop，好在冇咩人冇咩購物氣氛，如果唔係爹地又忍唔住架喇

原來另一邊有個入口可以直接落去，頭先我地去嗰時搵咗好耐先搵到架lift

去完之後我地就去食東大門炸雞！

我地唔知原來一份已經係勁大！我地仲叫咗一份炸嘅再加一份烤嘅，黎到係勁多！

結果我地食到要打包，番到酒店都仲好飽，最後係pack埋入行李拎咗番香港 XDDD

韓國D地鐵大部份都係無lift，爹地日日夜夜都係咁搬 > <

最後我地去埋明洞買埋Mask就筋疲力盡番酒店lu～