今日就回程番香港lu～住咗幾日呢間酒店，先發現原來我地係可以遠眺南山首爾塔
鄭樂勤再次被成個搬上車！今次我地前一日已經同佢換好衫 XDDDD
本身諗住call車，但諗諗下，我地一行出去就係巴士站，都係坐巴士算。
坐完車搬咗上車都仲瞓緊，之後我地執緊野，原來我地未lock好架車，冇啦啦向後反，嚇死我地，好彩有野頂住冇撞到阿仔個頭，個重點係，反咗車阿仔仲熟睡！
之後發現我地嘅行李超重，因為我地3個人有3件行李，但個行李重量唔可以share用！而我地只有兩個喼..........爹地當然諗住俾錢算，但我地買咁多野都係因為佢平過香港，如果加錢買行李，咪即係白做？！加上我地其實係仲有一件行李quota！唔得！
本身諗住喺機場買個行李袋，但好樣衰嘅都好貴！最後我人急智生！我地將D隨身物品放去個環保袋度，將D勁重嘅野放晒入爹地個backpack度，之後拎去寄倉！
Yeah～得咗！慳家媽媽又成功喇！
頭先瞓咗咁耐，而家就起身喇！
之後冇啦啦聞到有D臭味.........OMG！！！佢開大！
係個咁窄又好搖嘅廁所要換屎片，真係考起媽媽我！
好在佢玩一陣又再瞓，不至於同佢糾纏成程機！
我地D行李呀～～～
之後我地仲去咗Cathay Pacific個lounge度食野，爹地張名貴AE咭可以免費入去食野。
飲飽食醉，呢個好攰嘅旅程就完滿結束喇！
沒有留言:
張貼留言