尋日太晏先出發，今日老虎蟹都早D起身！一早就出發去淺草雷門寺，去到個門口勁多人！
影張相周圍都人山人海，是但影幾張就殺入去喇！
殺入去搵野食喇喂，一早我又勁肚餓！一入去見到賣人形燒，求其買件頂住檔先！
原來喺呢條街度買野食，為咗可以保持地方清潔，一定要喺間舖頭入面食完先可以繼續行，呢樣野係要喺日本呢個咁守規矩嘅地方先實行到！
影張相周圍都人山人海，是但影幾張就殺入去喇！
殺入去搵野食喇喂，一早我又勁肚餓！一入去見到賣人形燒，求其買件頂住檔先！
原來喺呢條街度買野食，為咗可以保持地方清潔，一定要喺間舖頭入面食完先可以繼續行，呢樣野係要喺日本呢個咁守規矩嘅地方先實行到！
食完完全唔夠攝牙喇，見到有丸子又買！
再食埋特產炸饅頭
都係好似冇咩食過野咁，行到去一條橫行，聞到係炸物嘅味道！係你喇！！見到有一間賣炸咖哩黑豚肉包嘅舖頭好多人排隊！係你啦！
但有D失望，雖然係熱辣辣好脆口，咖哩好多但好咸，完全食唔到有黑豚肉，最唔開心嘅係D咖哩汁多到必晒出黎，一大pat滴咗喺積件衫上面，係白色的新衫～～～～喔噢！之後唔夠喉，買埋隔離間炸肉餅！呢個就有驚喜喇，香口得黎入面D肉勁juicy！
食完終於都可以暫告一段落去參觀喇！
今次冇帶大機，特登拎左支自拍神棍出黎。
搞咗好耐先掌握到技巧。
其實我地都唔係黎參拜，影完相行咗一round就行番出去
見到有雪糕蜜瓜包！本身諗住去「世界第二好吃」嗰間度食，但又唔知會唔會過去，所以都係食左先講喇！
喺佢舖頭入面坐低食，見住佢D蜜瓜包不停出爐！好香呀～～～～
食完就行番出去見到有D臨時攤檔買D野食好貴！見番尋日朝早積喺酒店樓下買嗰條好貴嘅魚呀！咁貴都唔知點解會有人落搭.....? (企喺我隔離嗰個人都答唔到)
之後就行番去坐車去上野喇！
之後就行番去坐車去上野喇！
一落咗車就去左個商場搵個地方泵奶，因為D奶都唔要嘅關係，求其搵咗個廁所，但個廁所勁大勁乾淨！仲有個化妝間，入面有個changing room，喺入面有得坐，如果香港嘅商場D廁所都有咁嘅設施我就唔駛咁辛苦搵地方泵奶......
搞掂之後出黎就去阿美橫町喇！
食串水果先！
食串水果先！
好清甜！
上野呢度賣D野比較平民，啱晒買手信！仲見到有D 魚生，不過都係等去到築地先食！
行行下見到間鐵火丼，網上都好多人介紹，但評價好壞參半，所以都係小試牛刀，叫一碗試下咩料先！
本住喺日本唔會食到D好中伏嘅野嘅心態，點知就俾我試到喇！完！全！中！伏！了！叫咗個吞拿魚飯，塊魚都仲還好，仲好薄身，重點係唔知點解D飯係熱嘅，又冇醋味！我可以講爭鮮會好食過佢！講完！
(原來連相都冇影到......今次冇圖冇真相添！)
食完之後又繼續行，行行下積突然間好沮喪，原來佢係太攰......又話對鞋夾腳，已經買左對拖鞋都頂唔住，終於要好似D強國大媽咁搵間鞋舖俾佢坐低，我自己就繼續行！我自己周圍行，物色到一間賣野食嘅大賣場，去接番個鄭伯一齊去大掃手信！買咗勁多野，剛剛好夠錢退稅！之後就去咗食迴轉壽司喇！
但但都好似差唔多，是但入咗一間！
好好味呀～～～～
我地仲見到有一家三口，個媽媽坐喺迴轉枱用條揹帶將個BB咩喺後面，自己就喺度食壽司，個B開頭都好乖頭望望，到後期開始悶，喺度亂扯個媽媽D頭髮，個爸爸就求其執張紙俾佢玩，又可以繼續食！相比起我地成日要就住帶勤勤出街要去D闊落又放到BB車嘅地方食飯，呢個媽媽真係令我佩服！
因為太多戰利品嘅關係，所以要番酒店放低先，同埋可以順便泵埋奶先再出發！搞掂之後就出發去原宿喇！
除咗行街之外，黎原宿嘅目的係要係Red Rock牛肉飯！(當然之前仲好貪心以為自己可以去埋明治神宮同代代木公園同表參道啦) 黎之前已經有晒心理準備，係會排勁長龍！一黎就行去睇下咩料先，嘩！好長龍！反正未肚餓，行陣街先！
買兜薯片頂住檔先！
去咗竹下通度行街，行咗成個鐘之後番番去，條龍短咗好多喇！起碼見到個門口。
買兜薯片頂住檔先！
去咗竹下通度行街，行咗成個鐘之後番番去，條龍短咗好多喇！起碼見到個門口。
排咗半個鐘左右到喇！
真係好好食呀！又唔貴！唔怪得D人一個trip會想黎兩次！
呢幾日泵埋泵埋嘅奶唔好晒啦！特登揀咗間有浴缸嘅酒店就係為咗呢一下！自己浸奶奶浴！好豪呀！
沒有留言:
張貼留言