阿仔出世之後，喺佢半歲嘅時候我地偷偷出走過一次東京，之後幾次去旅行都帶埋佢去。今次真心想抖下，的起心肝兩公婆出走！去relax就梗係去sunshine & beach啦。往時我地唔識游水，真係甚少會揀玩水嘅地方，就連去沖繩, 墾丁呢D都係冬天去......而家叫做識游少少水，精就唔係架喇，起碼唔驚水先，可以去布吉喇！！
我地再次選擇咗跨生日之旅，我生日出發，積生日回程。今次買個機票有D複雜，出發我地用咗asiasmile黎換，回程無位，所以買咗hkexpress，再加個插曲就係買完張機票之後幾日，阿仔學校出通告話我地回程嗰日係親子運動日！！！阿仔人生第一個運動日當然唔可以錯過！但hkexpress係無得改機票，唯有買過一張....早一日通宵機番.....其實我地只係用咗最後一日嘅酒店錢換咗張通宵機票，錢係無俾多，只係會。好。攰。但為咗令自己唔好後悔都值得嘅！
我地去程一早就出發，剛剛好坐到機場巴士，成程車好好瞓，話咁快就落車喇。去程坐國泰終於可以喺terminal 1 check in喇。
自助check in
買咗一排嘅新喼終於用得著喇，不過好似襯同阿仔一齊用多D。
仲有時間去到VIP lounge，一入到去就撞到May同Raymond，真係約都無咁橋呀！
之後快快食咗d野，其實上咗機都仲會有飛機餐，但平時唔食早餐嘅我已經食到好飽。
之後就上機喇
遲咗online check in，得番最後一排，但反而唔怕瞓低會阻到人，其實都唔錯。
坐國泰有免費電影睇
我揀咗套戰爭片諗住實冇衰，點知個節奏勁慢.....但睇到一半又唔想放棄，唯有繼續睇埋，睇完之後瞓咗一陣就落機啦。
落咗機之後過關等咗勁耐，出到去我哋就搵返klook個接送。 其實一行出去就見到klook個牌，但係就見唔到我哋個名
兜咗一個圈之後去返klook個牌度問， 個職員check完一輪就話ok，叫我哋行埋一邊等。
等咗十分鐘左右就有人嚟接我哋，我哋提佢我哋買咗張電話卡，佢上車就畀咗我哋，HK$37一張用8日，但速度非常OK！性價比極高！
架車應該可以坐到成七八個人，但我哋兩個人坐曬成架車。
坐咗一個鐘頭左右就到咗酒店。
本身以為會早咗未有得check in，但因為頭先過關同等車都搞咗勁耐，嚟到已經夠鐘可以攞房。
等緊攞房嘅時候叫我哋去咗呢間有冷氣嘅房度等，仲有冰毛巾同welcome drink。
架車應該可以坐到成七八個人，但我哋兩個人坐曬成架車。
坐咗一個鐘頭左右就到咗酒店。
本身以為會早咗未有得check in，但因為頭先過關同等車都搞咗勁耐，嚟到已經夠鐘可以攞房。
等緊攞房嘅時候叫我哋去咗呢間有冷氣嘅房度等，仲有冰毛巾同welcome drink。
拎到房啦！我哋呢間房係有pool access，雖然間房比想像中細，但都好新淨同舒服。
放低啲嘢就準備出去搵嘢食啦！
我哋行咗出去芭東大街，本身諗住食海鮮，行到去savoey restaurant原來晏晝唔開，之後行返轉頭求其一間餐廳有開就行入去。
我哋行咗出去芭東大街，本身諗住食海鮮，行到去savoey restaurant原來晏晝唔開，之後行返轉頭求其一間餐廳有開就行入去。
我哋叫咗幾樣嘢食，基本上除咗個海鮮粉絲沙律係好食之外，其他嘢都好難食.....野飲都ok嘅。但本身間餐廳都好多人，唔知係因為其他餐廳未開啲人冇得揀定係啲人都係諗住入嚟飲嘢。
不過佢個價錢又唔算貴，我哋叫咗五樣嘢一枱都係，本身個waiter攞咗四碗飯嚟，應該係一樣野跟一個飯。
個咖哩我哋自己煮仲好食過佢，個蝦寫住係lobster，其實係類似琵琶蝦，仲要咸到好似食緊一堆鹽咁，個菜一D都唔泰式。
之後我哋決定每一餐都上網search過先去，唔好亂咁walk in嘥咗個quota，哈哈！
我哋一早上網book咗let's relax，但係未夠鐘，所以就周圍行下，做緊激光去斑嘅我勁驚太陽，又太陽眼鏡又帽又防曬！
街邊嗰啲舖頭開價都好誇張，懶得講價，所以去返商場度行。
喺Junceylon入面間舖頭買咗對沙灘拖同泳衣好抵，積仲買咗幾件衫。 之後就夠鐘去let's relax啦！
首先揀咗精油嘅味先
我哋book嘅package唔同，所以係分開兩間房。
積揀咗Simply Thai
我揀咗blooming life，係做body scrub， 一入到去就叫我自己沖咗涼先， 不過頭先咁熱，成身大汗，沖個涼都舒服好多。
我個package本身係四個鐘，但係其實都有少少呃鐘，佢同我做完個body scrub之後其實就放咗我喺度等咗成大半個鐘， 再入番嚟就叫我自己再去沖多次涼，洗走啲磨砂。
之後先至係個推油，其實都舒服嘅，不過個時間得好短。 推完之後就到facial，但係做facial原來要去返另一層樓，就唔係獨立房嘅。 所以其實我真正relax到嘅時間都唔係好多，係咁又沖涼，又要轉房走嚟走去， 所以我諗下一次都係唔好揀啲咁複雜嘅package。 不過做完個facial同body scrub，成面成身都真係好滑。
不過講返let's relax真係超級多大陸人，之前朋友都話係咁，話好嘈，介紹我去另一間，但已經book咗，同埋我地諗住日日都要spa，所以兩間都試啦！
做完之後已經係夜晚喇
之後我地再去食飯。 跟住我哋再去食多次海鮮，今次揀咗Patong Seafood， 但因為啲海鮮都唔係新鮮游緊水，淨係揀咗隻蟹係新鮮嘅
除咗隻蟹好鮮味之外，其他海鮮都係一般，條魚係炸咗，煮得都唔錯嘅，個燒生蠔都OK嘅，不過發現食海鮮其實留返喺香港食都得。
呢個香蕉加nutella pancake好好食，之前係清邁食過，所以一見到有就要買！ 之後就返酒店啦，本身我哋book嗰時候mark咗係生日，仲諗緊佢會唔會有生日蛋糕送，點知一啲表示都冇，無驚喜。 之後我哋就快快瞓覺喇，因為聽日book咗浮潛tour要好早起身！
呢個香蕉加nutella pancake好好食，之前係清邁食過，所以一見到有就要買！ 之後就返酒店啦，本身我哋book嗰時候mark咗係生日，仲諗緊佢會唔會有生日蛋糕送，點知一啲表示都冇，無驚喜。 之後我哋就快快瞓覺喇，因為聽日book咗浮潛tour要好早起身！
沒有留言:
張貼留言