去到未夠三個月，見紅流啡嘅情況好番好多，加上公司搬完office之後仲要轉咗team，所以我就決定番番公司喇。
好耐無出過遠門，遠門嘅意思係因為公司搬咗去黃竹坑，而未夠三個月又未見肚，出門口更加要小心翼翼。火炭站上車通常都好迫，所以我幾乎日日都坐頭等🥺我以前好似都無咩坐過。好不容易終於過咗三個月！過咗第一個checkpoint💪
之後就到第二個checkpoint！就係照結構喇！感覺上都係照完結構無事先夠膽話俾人聽🙊上一胎生哥哥，醫生介紹羅宇帆俾我照結構，感覺都OK，解釋得都算仔細。今次吳醫生俾咗幾張咭片我地叫我地自己book照結構，見到都有羅宇帆就直接book。原來book照結構真係會好full，因為每人都係指定大概20-22週先可以照，好彩我早book，其後我介紹人book羅醫生都已經full晒。
呢日我番咗半日工，下午先去照結構，夜晚仲約咗去阿姐屋企team gathering，諗住照住仲可以好悠閒咁再去食飯，點知上到診所，等到花兒也謝了先到我地......
仲要細佬B又怕醜，一照佢又搵個背脊向住我地，搞到照咗少少要出番去等一陣入去再試，由天光搞到天黑.....終於都照完喇！
細佬一切正常🥳
去到孕中期穩定好多，陸續就出動番帶哥哥去玩lu
未係好見肚嗰時，同學仔嘅生日會都有出席，我就小心翼翼坐埋一角做攝影師🤪
中期嗰時已經再次出動去迪士尼喇！買咗年票，當然唔可以錯過啦😆但其實迪士尼大部份嘅活動大肚婆都係可以玩，只要你唔怕要行好多路，係絕對可以正常咁玩！
初期游水呢D粗重活動就留俾爹地喇！
暑假去學游水，呢段期間我都次次有一齊去，不過沖涼呢個工作就全權交晒俾爹地喇。勤勤亦都開始習慣媽咪唔可以抱佢同唔可以同佢沖涼喇。
沒有留言:
張貼留言