第一胎同第二胎嘅分別真係好大，第一胎嘅時候，絕對係可以享受女皇級嘅生活，買野唔駛自己抽，放假可以喺屋企休息。第二胎？你唔玩，你個仔都要玩架！所以好似唔當自己大肚咁周圍去，但其實，次次去完都攰到散晒！
迪士尼都去咗幾次喇，由其係年票就完嗰時，更加係密集式地去😝
呢張相當時post咗上fb，眼利嘅朋友一眼就知道我大肚🙊
雖然睇張相唔係好見到個肚，但其實已好係7個月有多，個肚蘿咁大lu！
唔單止去迪士尼，因為無得帶勤勤去旅行，本地一日團都唔放過😅跟咗屋苑嘅一日遊去玩，勤勤勁開心！
大肚之前已經買咗海洋公園年票，一年內要activate，所以去到8個幾月撐住個巨肚照去，但海洋公園實在要行太多路，玩一陣我又自己坐低抖下咁，真係攰到爆標！
What's more? 仲要喺差唔多7個月嗰時我地搬屋！成間屋嘅裝修傢俬都係我去搞，仲要搬屋Pack野仲執野，我都覺得自己係神乎其技！
夾住呢段時間，勤勤仲升上K1，要陪佢開學，適應全日班，學校旅行，要兼顧嘅野真係多到唔知點解我可以做到，但我其實真係攰到痴咗線.....
我向來都係做到嘅就照做，頂到嘅就照頂，所以無人當過我係大肚咁看待......爹地出trip拍拍蘿友就走咗去，成間屋嘅野係我執，勤勤病咗就我帶去睇醫生，我以為終於可以抖下嘅時候唔知點解仲要搞house warming ......好在最後爆完煲都順順利利！搬到去新屋，同哥哥一齊準備迎接細佬！
沒有留言:
張貼留言