懷孕期點滴 (week 34-37 - 最後倒數階段)

如無意外生埋細佬就收工，本身都有一刻諗過，好唔好去影番輯大肚相留念。但不嬲都深知，話大肚嘅女人係最靚係呃人架嘛，所以都係費時晒錢🤣自己去影算！

好忙好忙但都抽兩日weekend嘅一兩個鐘喺屋苑個花園同樓下個沙灘影咗一輯！運用我做magazine marketing做shooting嘅專業😆自己喺pinterest度搵reference！難度最高係喺要得到哥哥嘅配合！出到黎個效果都叫見得人🤩

因為爹地要揸機😅所以sorry，所有相都無佢份入鏡🤣唔駛俾錢，就將就下啦。

我都可算係勤力，計埋weekend先係放咗3日假就去生仔。仲要最後番工嗰個禮拜，社運嘅情況係最嚴峻，紅隧封咗，吐露港公路行唔到，本身我都work from home咗幾日，但最後一個week，我又想好好同D同事handover D工作，我硬住頭皮去坐980x去到金鐘再轉去黃竹坑，第一日，我番工3個鐘，放工去金鐘坐680，又用咗3個鐘。即係我一日坐咗6個鐘車！一個成日要去廁所嘅大肚婆，坐咁耐車連水都唔夠膽飲......第二日，我又用咗3個鐘番工，放工時間，大阿姐勒令叫我一定要坐Uber claim番公司錢，就咁我就完滿咁完成我產假前嘅工作。

臨入院前嗰兩日，仲要幫埋哥哥剪埋頭髮，仲帶埋佢去戲院睇frozen 2，仲一齊食雪糕🙊 係媽咪都有份偷食。

一齊已經準備就緒，去迎接細佬喇！