第一次做爸爸媽媽嘅我地既興奮又緊張，又驚食炸糊，係咁上網扒文，又用不同方法去check！
Check 咗幾次都係，今次真係中Jackpot喇！！
5週嘅時候就忍唔住去診所拎證明信喇！明明醫生都係用棒棒驗，但唔知點解拎到醫生嘅證明就係覺得踏實D！
明明條線好淺色，但醫生都好肯定咁開證明信俾我。
之後就去聯合醫院排期，再去搵私家醫生做產檢喇！上網做咗research好耐，最終決定搵李振綱醫生，李醫生係一個老醫生，已經無做接生，所以相對地易book，價錢方面都比較吸引，加上網上口碑都幾好，就決定搵佢喇！
要100%肯定係懷孕，而唔係化學懷孕或者宮外孕就要去照超聲波喇，所以我地好心急咁6週就去照閃閃喇！(有時覺得網上資料太多都有好有唔好，以前點會知有咁多野，驗孕棒有線就係架啦)
本身醫生話呢個週數照肚超最多只可以照到有無胎盤，點知我地竟然照到有閃閃，即係BB已經有心跳喇，即係肯定唔係炸糊喇！新手爸爸媽媽都超級興奮呀！Yeah ~~~
