我如常放工番屋企煮飯，就喺我食完飯去廁所嘅時候，就見到流咗一灘血，我即刻嚇到三魂唔見七魄咁同老公講要去急症室！呢個時候我就發覺我當時揀去聯合醫院呢個選擇係正確嘅，因為有咩事去醫院真係好快！但喺呢一刻，短短幾分鐘嘅車程對我黎講好似幾個鐘咁耐。。一上到車已經擔心到喊咗出黎，喺車上我不停諗我究竟做過D咩，明明早幾日先去私家照完超聲波！又無撞過無跌過，亦無粗勞，我甚至諗係咪因為我今日同人講我有咗，所以BB小器。。。原來人去到無助嘅時候就會選擇迷信。。。
去到急症室就同分流嗰度講係大肚婆流血，佢即刻俾咗最緊急嘅分流我，叫我坐上輪椅之後，好快就安排咗我去俾急症室醫生檢查。。但其實除咗見紅之外，我表面上真係一D異樣都無，個肚完全無痛！之後就安排去婦產科留醫，我呢一刻淨係好想快D照到超聲波睇下BB有無事。。
等咗好耐，終於上到病房，期間姑娘不停提醒如果見到有見到有組織排出要通知佢地，咁對於一個普通人黎講，點識分血塊定組織。。。所以當我見到有一舊血排出黎之後嚇到三魂唔見七魄！而我被安排到病床之後，一直都無醫生同我檢查，我不禁嚇到喊出黎。。。仲記得我喺呢個無助嘅時候，醫院個阿姐仲鬧我做咩喊blablablaaaa。。。老公喺病房門口知道我個情況，即刻按個對講機大罵做咩無醫生睇我。。。之後佢地話個醫生去左睇個婆婆，仲話上黎嘅時候無人mark低我係大肚婆。。之後等多一陣就有醫生黎睇。。。點知原來超聲波係朝早先有得照，所以醫生只係用鴨咀鉗同我check，之後話我嗰D係血塊。。。我當下放鬆咗一口氣。。。但都check唔到咩原因出血。。因為未照到超聲波，所以仍然擔心到瞓唔著。。而週數太細又唔可以用胎心機。。。直至去到朝早照完超聲波見到BB心跳先放鬆一口氣。。但醫生話作小產係無原因可以解釋，亦無安胎藥可以食。。。開咗成個禮拜大假俾我就叫我出院喇。。隨即就去咗睇中醫，佢好似唔夠膽開藥俾我，話我呢個情況應該食阿膠。。真心覺得難食，但為咗BB，咩方法都要試。。但又真係work。。因為之後每次見啡，一食就無事！
等咗好耐，終於上到病房，期間姑娘不停提醒如果見到有見到有組織排出要通知佢地，咁對於一個普通人黎講，點識分血塊定組織。。。所以當我見到有一舊血排出黎之後嚇到三魂唔見七魄！而我被安排到病床之後，一直都無醫生同我檢查，我不禁嚇到喊出黎。。。仲記得我喺呢個無助嘅時候，醫院個阿姐仲鬧我做咩喊blablablaaaa。。。老公喺病房門口知道我個情況，即刻按個對講機大罵做咩無醫生睇我。。。之後佢地話個醫生去左睇個婆婆，仲話上黎嘅時候無人mark低我係大肚婆。。之後等多一陣就有醫生黎睇。。。點知原來超聲波係朝早先有得照，所以醫生只係用鴨咀鉗同我check，之後話我嗰D係血塊。。。我當下放鬆咗一口氣。。。但都check唔到咩原因出血。。因為未照到超聲波，所以仍然擔心到瞓唔著。。而週數太細又唔可以用胎心機。。。直至去到朝早照完超聲波見到BB心跳先放鬆一口氣。。但醫生話作小產係無原因可以解釋，亦無安胎藥可以食。。。開咗成個禮拜大假俾我就叫我出院喇。。隨即就去咗睇中醫，佢好似唔夠膽開藥俾我，話我呢個情況應該食阿膠。。真心覺得難食，但為咗BB，咩方法都要試。。但又真係work。。因為之後每次見啡，一食就無事！
第二日再去睇私家產檢，照完超聲波都係睇唔出咩問題。。。醫生話可以塞小白球，但未必有用，但呢個情況下，咩方法都要試。。
呢一刻我終於明白做媽媽同BB血脈相連嘅感覺，以前我覺得未出世嘅BB只係一個胚胎，原來到有咗自己BB之後個感受完全唔同。。。真係好難想像如果自己BB有事可以點承受。。不過好感恩，到咗三個月之後，個情況就穩定番落黎喇！
沒有留言:
張貼留言