懷孕期點滴 (week 12 -24 感受小生命)

好不容易終於都過咗三個月，頭三個月真係搞到自己神經質。。。除咗番工之外，我幾乎都無出過街。。行步路都行得慢過人。做咗一級受保護動物，反而第一次享受出街買野完全唔駛自己拎嘅感覺。。不過無論任何時候都經常都要衝入廁所睇下有無異樣。。。仲買咗個胎心機可以成日check住BB個心跳，令我地放心好多！

第一次最深感受到生命嘅奇妙就係喺15週去照OSCAR, 呢個時期BB可能只有一個奇異果咁大，但我地已經喺個照聲波機見到BB隻手喺度郁，又見到BB平瞓喺度俾醫生量度頸皮個厚度，真係覺得好奇妙！照完OSCAR無事之後又再鬆咗一口氣！

大家好想知道BB嘅性別，登登登登！

男仔黎架！我地屋企都係注定陽盛陰衰啦，哈哈！去到17週左右，有一日一早瞓醒覺，忽然感覺到個肚入面好似有條金魚翻咗一轉，呢D就係胎動喇！感覺真係好奇妙！

去到22週照結構。。。BB識打V字呀XDDD

個咀咀"梅梅下"，第時一定好為食喇！

 照埋結構一切正常，終於都安心同大家宣佈喇！

15週開始已經開始見肚喇，一齊見證住BB喺媽媽肚入面嘅成長啦！