話說之前我一直覺得大肚個人又肥又醜，都唔想晒D無謂錢去影孕照。點知一日忽然諗起可以去自拍館度自己影，咁抵玩，當留個紀念都好啦！因為之前又要忙住裝修同搬屋，所以BOOK到影相嘅時候已經37週喇，BB已經足咗月隨時都會出世，唔影可能冇機會！病都頂硬上去影啦！
搵咗好多間做比較，最後揀咗觀塘呢間Woah自拍館。本身諗住可以去聯合醫院聽完個產前講座先去嘅，但病到咁都費事去醫院散播細菌，所以直接出去影相就算喇！
其實效果都唔錯，不過唔識擺pose就要靠自己上網做定research喇！之前我仲一早襯定要著咩衫，拉埋爸B積襯埋幾套先去，都算係制作認真架！以咁低成本既制作，有呢個質素，我自己就收晒貨喇！
影完相，兩個病君就去接工人姐姐番屋企喇。姐姐好似好nice，黎緊我地同BB就會對住佢喇，希望佢生生性性啦！
沒有留言:
張貼留言