懷孕期點滴 (week 25 - 32 大肚媽媽生活)

未到3個月嗰時又好期待快D夠3個月，過咗3個月又好想快D照到結構check清楚BB正唔正常，無事之後就好想到24週，因為BB喺24週後嘅胎兒存活率大大提升，假若有作產徵兆係直接入產房，所以到咗25週之後就放心咗好多！聖誕節仲去咗嘉年華玩添呀！不過呢個時候已經唔行得耐，仲有條腰成日都好痛！

雖然出街影相好似唔係好睇到肚，但其實個肚已經咁大喇！

年年除夕都會倒數，今年為咗BB要乖乖留喺屋企喇！BB Happy 2016！

之後個肚好似吹波咁大！

 BB有個貪玩嘅媽媽爸爸，個肚好似鑼咁大都仲去玩！Daddy話情人節要慶祝嘛！

大肚去玩原來有優待架！我地一入去睇個馬戲，職員即刻安排個關愛座俾我！原來呢個係VIP位，唔同價錢架！

本身一直都有腰痛嘅我，以為好早已經唔行得，點知去到後期都仲可以去到咁多地方！呢個媽媽真係無時停！XDDD