由上一次喺健康院檢查之後病足兩星期，到38週又番去產檢喇。因為之前為咗方便番工可以去產檢，我揀咗去將軍澳嘅母嬰健康院，所以而家就算放緊產假都要山長水遠番去。
去到之後，一如以往，就係磅重同量血壓。其實呢一日我個病情已經好到七七八八，但可能因為之前病得太耐食少咗野，體重竟然仲輕咗，血壓量咗兩次都高。。姑娘立刻安排我見醫生！
見到醫生之後，我立刻表明我已經病咗兩個禮拜。。。blablablaaa 咁交代我之前個病情！當我同個醫生講話我之前因為氣喘入過急症室，佢話我應該去產房。。。咁但係真係唔係作產，冇理由去產房姐。。。急症室都冇叫我去。。。Anyway，之後佢話我血壓太高，怕我係妊娠高血壓，話要安排我立刻入院觀察，仲話會安排住院，有需要可能要催生。。。咁突然?!
因為我本身無預料有呢個情況出現，所以我今日係單拖去覆診。。。本身仲諗住覆診完去剪頭髮。哈哈，點知個醫生同個姑娘講到我個情況好危急咁！仲叫我唔好周圍走，叫我立刻去醫院，咁我話我等緊老公黎接我，佢地仲話如果等緊先生黎之前有唔舒服要通知佢地！下?! 真係咁大單? 唔知真係血壓高影響定俾佢地講講下我心理作用，爸b積話好忙要兩點先過到去，當時只係十點幾，咁我唯有自己行去坐的士去醫院啦，行行下又真係好似暈暈地。。。所以我都乖乖坐的士去醫院！
我坐緊的士嘅時候，爸b積忽然又走得，我去到等埋佢先上去4樓產前房。咁拎埋之前健康院叫我去到邊都拎埋出街嗰份文件就去登記入院啦。去到又量血壓，仲高咗@@之後就安排床位俾我駁機Check BB心跳，仲有個掣俾我拎住，話BB一郁就撳一下！因為駁住機嘅關係，我係床度唔可以郁，又食唔到野，見到派咗飯都食唔到。。。因為平時通常我一食野BB先會係咁郁，可能因為太餓，BB一直都唔係好郁，越唔郁我就越要繼續駁機，我就越餓！加上姑娘話見到BB有幾段時間個心跳突然間慢咗，所以唔俾我拆走部機。。。終於等到成個lunch time都完咗。餓到肚扁終於可以叫爸B積去canteen幫我買飯。。。
食完飯之後基本上都係不斷俾人量血壓，但入到黎可能瞓喺度又好D，血壓好快就低番少少。之後次次醫生巡房都問有冇肚痛穿水之類。點知晏晝嘅時候坐起身突然間有少少水流出黎。。其實之前都試過，我上網見D人話用試紙可以check到係咪羊水，我見反正入咗黎check下都好，咁我同左個醫生講，佢就幫我塞個鉗入去子宮度check。。。捉蟲。。！勁痛。。。！之後就話唔係穿水。。。。真係衰多口！
之前人地話喺產前房成日會聽到D人陣痛喺度狂叫好恐怖，唔知係咪佢地喺病房有分咗類，我嗰個病房都係D唔似好快生得嘅孕婦，有兩個都係穿咗水又見紅，但催生極都係無反應嘅，有個係糖尿加高血壓，夜D又有個係跌親入黎觀察。。。。所以都冇俾人嚇親。。。哈哈！不過因為成晚周不時又有人入院，而有人入黎check血壓，隔離床個人鼻寒聲又大所以都唔係好瞓到。。。。所以到咗第二朝，佢話我D報告冇事，血壓又穩定番就拿拿臨自己坐的士出院喇！
不過好神奇嘅係，唔知係醫院嘅空氣好D定因為抽咗兩支血促進新陳代謝，我入到院之後無啦啦D咳同氣喘好番好多！本身醫生話可以開D咳藥俾我，最後都唔駛食！出咗院之後，可能之前飲咗中藥，連喉嚨痛都好番好多！我嘅人生終於有番希望！哈哈！
好番好多之後，就好想BB快D可以出世，朝早仲散步去馬鞍山海傍諗住可以快D生。BB，媽媽Ready喇！
因為我本身無預料有呢個情況出現，所以我今日係單拖去覆診。。。本身仲諗住覆診完去剪頭髮。哈哈，點知個醫生同個姑娘講到我個情況好危急咁！仲叫我唔好周圍走，叫我立刻去醫院，咁我話我等緊老公黎接我，佢地仲話如果等緊先生黎之前有唔舒服要通知佢地！下?! 真係咁大單? 唔知真係血壓高影響定俾佢地講講下我心理作用，爸b積話好忙要兩點先過到去，當時只係十點幾，咁我唯有自己行去坐的士去醫院啦，行行下又真係好似暈暈地。。。所以我都乖乖坐的士去醫院！
我坐緊的士嘅時候，爸b積忽然又走得，我去到等埋佢先上去4樓產前房。咁拎埋之前健康院叫我去到邊都拎埋出街嗰份文件就去登記入院啦。去到又量血壓，仲高咗@@之後就安排床位俾我駁機Check BB心跳，仲有個掣俾我拎住，話BB一郁就撳一下！因為駁住機嘅關係，我係床度唔可以郁，又食唔到野，見到派咗飯都食唔到。。。因為平時通常我一食野BB先會係咁郁，可能因為太餓，BB一直都唔係好郁，越唔郁我就越要繼續駁機，我就越餓！加上姑娘話見到BB有幾段時間個心跳突然間慢咗，所以唔俾我拆走部機。。。終於等到成個lunch time都完咗。餓到肚扁終於可以叫爸B積去canteen幫我買飯。。。
食完飯之後基本上都係不斷俾人量血壓，但入到黎可能瞓喺度又好D，血壓好快就低番少少。之後次次醫生巡房都問有冇肚痛穿水之類。點知晏晝嘅時候坐起身突然間有少少水流出黎。。其實之前都試過，我上網見D人話用試紙可以check到係咪羊水，我見反正入咗黎check下都好，咁我同左個醫生講，佢就幫我塞個鉗入去子宮度check。。。捉蟲。。！勁痛。。。！之後就話唔係穿水。。。。真係衰多口！
之前人地話喺產前房成日會聽到D人陣痛喺度狂叫好恐怖，唔知係咪佢地喺病房有分咗類，我嗰個病房都係D唔似好快生得嘅孕婦，有兩個都係穿咗水又見紅，但催生極都係無反應嘅，有個係糖尿加高血壓，夜D又有個係跌親入黎觀察。。。。所以都冇俾人嚇親。。。哈哈！不過因為成晚周不時又有人入院，而有人入黎check血壓，隔離床個人鼻寒聲又大所以都唔係好瞓到。。。。所以到咗第二朝，佢話我D報告冇事，血壓又穩定番就拿拿臨自己坐的士出院喇！
不過好神奇嘅係，唔知係醫院嘅空氣好D定因為抽咗兩支血促進新陳代謝，我入到院之後無啦啦D咳同氣喘好番好多！本身醫生話可以開D咳藥俾我，最後都唔駛食！出咗院之後，可能之前飲咗中藥，連喉嚨痛都好番好多！我嘅人生終於有番希望！哈哈！
好番好多之後，就好想BB快D可以出世，朝早仲散步去馬鞍山海傍諗住可以快D生。BB，媽媽Ready喇！
沒有留言:
張貼留言