另外嗰對同我地一樣係後日先影相，但我地就今日揀禮服，佢地就聽日先揀，呢一刻我知道，之前客服同我講話檔期好滿，要快快落實日期係無呃我地。。。果然安排得好有計劃！路途上一直都係個女仔同Peter講野，個男既坐後面一句野都無講，我聽到佢地話打算坐公車去日月潭，同我地原先既計劃一樣，但Peter就介紹佢地包車。 其實我地之前都email問過法蝶既人，如果我地想包車要幾多錢，我地問過佢share俾我地既包車公司，最平都要NTD3500，本身我地都打消呢個念頭架喇，因為兩個人坐一定唔抵。但後來夜晚Peter知道左我地都係去日月潭，我地都叫佢幫我地book車，盛惠NTD3800，諗諗下又方便d既，又可以去多一兩個地方。
坐左半個鐘車左右就去到法蝶喇，之前都係喺網頁見到佢門市個樣，同我心目中都差不多。佢個格局係一張張方枱，側邊有部電腦，方便客人揀相，入到去都見到有幾枱客喺度揀緊相 (生意真好!)
一坐低就有人問我地飲咩，之後就幫我地叫左杯珍珠奶茶。坐左一陣就有個禮服小姐帶我地上去揀禮服喇，我一共有六套衫，四套禮服兩套白紗。之前睇d blog都見到有blog友話佢帶過去個nu bra個size唔啱，最終要幫襯佢地買，價值NTD19xx！我當時心諗，食左我隻車咩？！係我買既價錢既10倍！(這也太誇張了罷？)所以我做足準備，帶左一個細碼同一個中碼，我拎出黎嗰時，禮服小姐話有d nu bra既彈性無咁好，有d扣會好易爛，幾驚佢叫我買佢地嗰d (汗)，好彩佢話無問題。禮服小姐真係好專業，睇一眼就知道我用咩碼，但估唔到既係，佢建議我用一個中碼再加一個大碼，佢俾左一個試用品我試穿，之後仲問我要唔要買一個大碼。一黎唔想用d無謂錢，二黎我真係睇唔慣自己咁既身材(羞)， 所以最後都無加到。之後就開始試衫，我俾左一d我鍾意既style禮服小姐睇，佢真係好專業，佢唔講我都唔發覺我揀親既都係粉色系列，佢提醒我唔可以全部 都揀同一個色系，如果唔係影出黎個風格會好似。佢好有技巧地俾好多唔同風格同色系既衫我試，不得不讚既係佢試衫個地方，非常寬敞，試衫嗰個位好似個小舞台 咁，180度都係鏡，好方便就可以睇到件衫既不同角度。試衫嗰時好認真，每穿一件禮服姐姐都會舖好個裙擺俾我睇清楚。不經不覺，就搞左成四個鐘，積差d等到發左霉。又要再讚既就係佢地改衫個速度真係用神速黎形容，我揀好既衫佢即時拎去改，我其餘既都未試好就已經改好，成個過程幾乎都無等過。我揀既衫好多都係泡泡款，我最鍾意既粉色系花花裙更加係一試上身就好鍾意，A-line o個d款我著左幾件上身，但真係好古怪，但又唔能夠全部都係泡泡款，所以花左最多時間喺呢part，最終都揀左件前短後長既橙色修身裙，好有夏日 feel~~但為左呢件衫，我要特登去夜市買對鞋去襯。
唔覺唔覺，原來都試左20件。試左幾個鐘。。。即係話我都企左幾個鐘。。。加上d衫又好窄令到我呼吸困難，試完之後真係勁攰！搞掂左我禮服嗰part之後，就落番去等進行下一個流程喇。禮服小姐幫我地叫左個便當(其實我地自食完飛機餐之後都冇食過野，但因為我一直試衫都唔覺得餓，
但積就餓扁左)，我食左個牛肉麵、積就食左個勁油既牛肉炒飯，佢地仲幫我地叫左個海帶豆腐小食，食完之後，Peter就車左我地去另一個地方揀男裝禮服。
男裝禮服一共有三套，一套白色、一套黑色再可以揀多一套其他顏色。揀既時候只係揀件外套同條褲，其他配件都係番到法蝶先再襯，因為咁樣，所以積睇黎睇去都唔係太滿意禮服既款。
揀完之後又車番我地去法蝶，坐低左幾個字之後都冇人理我地，之後我望黎望去，終於有個counter既姐姐走過黎問我地去到邊個流程。我本身以為只係淨番
同攝影師同造型師溝通，原來仲要上去襯男裝禮服。頭先我地揀左男裝禮服已經準備好喺間房入面，之後上到去就有個叫海倫既女仔同我地自我介紹，佢係拍攝嗰日
既燈光師 (之後到拍攝嗰日發現佢唔止燈光師咁簡單，佢完全係多功能)。襯男裝禮服主要係按住新娘既晚裝去搭配，例如我有套短裙既白紗係好調皮既，男裝我地都會選擇一d比較休閒d既款式。但試來試去積都唔係太滿意，不過的確佢地配件d款式真係算少，好似我地香港好興既豬腸tie佢都冇，主要都係以bow
tie為主，所以揀來揀去積都唔係好滿意，最後都半推半就咁襯好左。
當中既過程相當搞笑，因為積既普通話就真係好普通，佢同海倫不斷都溝通唔到，成個過程幾乎都要我翻譯，中途積更無視人地唔識聽廣東話，直接用廣東話同人地講：「我想試多次件白色」。海倫個頭上勁多個問號，之後望住我：「呀？」，佢個表情十分好笑。之後我問海倫係咪多數黎既香港人中文都講得好好，佢話唔一定，但多數都係女生講得好過男生，就好似我地咁，女生就負責翻譯。佢仲話我d發音好標準，哈哈，當然啦！呢幾個月差不多日日都有睇台灣d偶像劇，我自問都真係講得唔錯！呵呵呵～～
試 完之後我地又落番去地面嗰層到等，嗰時我地攰到真係有少少意興闌珊 (喺成個影相既過程我地都經常同對方講"切忌意興闌珊"。話說呢句說話係來自法蝶email俾我地既拍攝注意事項，入面其中有一句話"拍攝時投入感要重， 切忌意興闌珊"。我地覺得呢句話實在太精警，亦可以用黎互相鼓勵，所以我地成日都掛喺咀邊) 再等左好一段時間，我個造型師終於都過黎，佢叫阿Show，佢一坐低既時候都比較沉默，佢淨係問我地去邊度影相，之後就俾左本造型書我，叫我話佢知我鍾意 邊d造型。我一路翻本書，佢一路都冇講野，係我翻到有幾個造型類似我想要既我就話佢知，但其實入面都無exactly我想要既造型， 於是我就拎我個電話入面save左既幾個造型俾佢睇。我同佢講我想要d年輕可愛既造型，唔想要太成熟同復古既感覺。咁佢再問我有d咩配飾鍾意，有d咩係唔 接受。我喺書見到有d咩髮型一定唔接受就話俾佢聽！傾左十分鐘左右就傾完喇，我起初都好擔心佢知唔知我想要d咩，因為成個流程佢都唔係表現得好熱烈。。。 (但結果話我知係唔需要擔心)。化妝呢樣野對整個拍攝過程可謂最重要！因為我之前試過一次試拍婚紗，係家姐之前影prewedding既攝影師開既攝影班搵model，已經係差不多大半年前既事，唔洗錢既野我同積當然勇躍！但我嗰次個髮型真係。。。可以話係唔適合我囉。其實又唔能夠話係嗰位化妝師既問題，因為當日個重點係俾學生練習影相，唔係我個妝，嗰次成個妝連set頭，都係搞左一個鐘，相比我今次整兩個鐘又真係兩回事。但嗰次絕對無白去，嗰次之後我學到好多pose點擺會影得瘦d (因為嗰次真係影到我好肥) 同埋俾我知道我整咩頭係一定唔好睇 (因為試過)，令我更積極去搵"應該"會適合我既髮型 (到溝通完嗰一刻我都未知，但而家我找到了) 我同Show老師講我有咩髮型一定唔可以整，會很醜，佢好奇問我係咪試過，我無將成個故事話佢知，我只係草草話佢知我之前做伴娘有試過，但的而且確，我上 次做伴娘個髮型都係唔太滿意。最衰show老師係台灣人，如果唔係我big day一定會搵佢！試妝都慳番！
同Show老師溝通完之後，終於都見到攝影師Rex既踪跡，因為我地之前喺網上見過佢張相，所以積一眼就認得佢。Rex坐低就俾左張咭片我地，佢個樣真係攰到無朋友，可能因為佢對眼本身又比較細，望上去更加覺得佢好攰 (後來當我地知道佢地每一日個schedule之後，絕對明白同了解佢地咁攰既原因，仲可以撐到唔暈倒已經係神級)。 佢開始先問我地識唔識聽同講中文，諗番先發現佢係唯一一個人問我地，其他所有人都assume我地識？反而我本身仲以為佢地咁多香港客人，佢地會識講廣東 話。之後就同佢溝通拍攝既路線，基本上我地之前用email同佢地客服傾既主要內容佢地都有mark喺個file入面，佢太致上都知道我地係去清境同演武 場。喺溝通既過程，令人氣餒既情況又再出現。。。。。。
我地拎左我地之前上網搵左一d影清境既相片風格佢睇，第一張，我地想影綿羊，他說：「綿羊不一定可以拍得到，因為我們不能控制綿羊會不會出來」。我地心諗，我地特登去清境就係去影綿羊，影唔到我做咩要去呢度！之後我地再問係咪會有得騎馬，他再說：「馬也不一定會有，如果到時候有的話我們可以詢問一下可不可以拍，應該會有費用。如果沒有的話，要從其他地方把馬運過去，費用會是非常的高。」我們：「．．．．．．」之後俾一張相佢睇，係好多人都喺嗰棵樹上面影，望上去好似係喺個天空上面咁。我地俾佢嗰個樣本d葉係紅色，問佢咩時候d葉會咁既顏色。他又再說：「這張的葉子是電腦改色的，你喜歡的話也可以幫你改，但是。。。現在說不定樹上已經沒有葉子了。」我們：。。。。。去到呢刻我地少不免又有d擔心，因為住宿嗰d都訂晒，我地係非去清境不可，但佢講到個情況咁真係有d憂心。之後我地又有提過如果有機會的話想拍櫻花，我地當日見到有對新人揀相既時候都見到佢地有影到櫻花，仲要都幾靚，我地估佢都係最近先影。但佢又說：「現在的櫻花已經差不多掉光了。」。。。。。 之後佢再同我地講，由清境去演武場路途比較遠，時間上會有d趕，問我地會唔會選擇去其他地方，佢建議我地去亞洲大學，仲用電腦search d相俾我地睇。但我地真係覺得麻麻地。我再問佢，如果我地放棄演武場，會唔會可以多去兩個地點以上 (因為我成日覺得我地花好多時候喺清境，就算都係多一個地方都好似好單調)。呢個時候佢 就話：「那你們還是選演武場好了，因為你們心裡面就是喜歡演武場，到其他那個地方都會覺得不比演武場來的好。」。。。。。。 不過咁都好，我地本身真係想去演武場，不過佢地有提過，以前演武場係唔需要收費，但今年開始需要，仲多左好多限制，可能因為咁，加上佢地覺得演武場又唔算 好特別 (因為我地後期發現台中好多地方都好似演武場咁既日本建築風)，所以先唔太建議我地去 (但呢輯相我地好鍾意，證明我地無揀錯)。最後，我地剛剛有同Show老師提過我地想影夜景，佢有幫我地mark喺個file上面，之後REX就說：「夜景這部分其實不太建議，因為我們要拍清境，要很早開始拍，6點要開始起來化妝，如果要拍夜景的話，整個拍攝的時間會很長，你們會受不了的。」我們：「。。。。。。」我再講：「我其實是打算回程的時候，在台中市附近拍一兩張就可以了。」（因為其實我麻麻地夜景，只係積想要，我都係嘗試幫手配合佢既要求）之後，REX好有原則地說：「不能拍一兩張，拍就是一輯」。 我當時未清楚佢地拍攝既流程，後來我就知道佢點解會咁講，原來基本上每一套禮服就拍一個場境，之後佢就開始同我地傾邊套衫喺邊個地方影，佢既建議都好有 point，例如佢話粉紅色花花裙應該要喺清境拍，因為清境既草披比較清，應該要配合一件花d既裙。咁我地就傾好左邊件衫去邊個景點影。之後佢問我地有冇 d咩紀念品要影，我地話我地想影戒指 (我的幸福指環，是求婚戒指呢)，其他都冇喇。佢好似覺得好出奇咁，咁我地真係諗黎諗去都冇咩紀念品丫ma.....當時已經係10點幾，佢門市入面都冇 咩人，加上我地又好攰，見到REX個樣覺得佢仲攰。所以我地都講左好多次「差唔多」，佢又跟我地用廣東話講「差唔多」。我本身以為佢真係識講少少廣東話，原來都只係差唔多音佢先估到咩意思再學我地講。傾完之後，已經成11點，之後Peter就車我地番酒店。
酒店係黎客商旅，位於逢甲夜市附近，本身揀呢間酒店就係貪佢近夜市，揀完禮服番去都仲可以去行下，但當初真係無諗過會11點幾先番到。番到酒店之後真係堅 攰，但因為一早plan左又冇理由唔去，加上我要買對鞋襯我橙色條裙，所以番到去放低d行李 (真係只係行入去放低，凳都冇坐過) 就即刻行過去夜市。按照Peter教我地既行法，5分鐘就到左逢甲夜市。我地極速買左幾樣野食頂肚 (因為我仲未影相，都要繼續keep fit，所以夜左真係唔想食太多野)，食左個好好味既雞腿棒，同酥炸香菇，真係好好味，但係我地驚食到爆瘡影響拍攝，所以真係唔敢食太多，之後仲買左杯西瓜汁降降火，最後積就買左碗魯味番酒店食。
當中既過程相當搞笑，因為積既普通話就真係好普通，佢同海倫不斷都溝通唔到，成個過程幾乎都要我翻譯，中途積更無視人地唔識聽廣東話，直接用廣東話同人地講：「我想試多次件白色」。海倫個頭上勁多個問號，之後望住我：「呀？」，佢個表情十分好笑。之後我問海倫係咪多數黎既香港人中文都講得好好，佢話唔一定，但多數都係女生講得好過男生，就好似我地咁，女生就負責翻譯。佢仲話我d發音好標準，哈哈，當然啦！呢幾個月差不多日日都有睇台灣d偶像劇，我自問都真係講得唔錯！呵呵呵～～
試 完之後我地又落番去地面嗰層到等，嗰時我地攰到真係有少少意興闌珊 (喺成個影相既過程我地都經常同對方講"切忌意興闌珊"。話說呢句說話係來自法蝶email俾我地既拍攝注意事項，入面其中有一句話"拍攝時投入感要重， 切忌意興闌珊"。我地覺得呢句話實在太精警，亦可以用黎互相鼓勵，所以我地成日都掛喺咀邊) 再等左好一段時間，我個造型師終於都過黎，佢叫阿Show，佢一坐低既時候都比較沉默，佢淨係問我地去邊度影相，之後就俾左本造型書我，叫我話佢知我鍾意 邊d造型。我一路翻本書，佢一路都冇講野，係我翻到有幾個造型類似我想要既我就話佢知，但其實入面都無exactly我想要既造型， 於是我就拎我個電話入面save左既幾個造型俾佢睇。我同佢講我想要d年輕可愛既造型，唔想要太成熟同復古既感覺。咁佢再問我有d咩配飾鍾意，有d咩係唔 接受。我喺書見到有d咩髮型一定唔接受就話俾佢聽！傾左十分鐘左右就傾完喇，我起初都好擔心佢知唔知我想要d咩，因為成個流程佢都唔係表現得好熱烈。。。 (但結果話我知係唔需要擔心)。化妝呢樣野對整個拍攝過程可謂最重要！因為我之前試過一次試拍婚紗，係家姐之前影prewedding既攝影師開既攝影班搵model，已經係差不多大半年前既事，唔洗錢既野我同積當然勇躍！但我嗰次個髮型真係。。。可以話係唔適合我囉。其實又唔能夠話係嗰位化妝師既問題，因為當日個重點係俾學生練習影相，唔係我個妝，嗰次成個妝連set頭，都係搞左一個鐘，相比我今次整兩個鐘又真係兩回事。但嗰次絕對無白去，嗰次之後我學到好多pose點擺會影得瘦d (因為嗰次真係影到我好肥) 同埋俾我知道我整咩頭係一定唔好睇 (因為試過)，令我更積極去搵"應該"會適合我既髮型 (到溝通完嗰一刻我都未知，但而家我找到了) 我同Show老師講我有咩髮型一定唔可以整，會很醜，佢好奇問我係咪試過，我無將成個故事話佢知，我只係草草話佢知我之前做伴娘有試過，但的而且確，我上 次做伴娘個髮型都係唔太滿意。最衰show老師係台灣人，如果唔係我big day一定會搵佢！試妝都慳番！
同Show老師溝通完之後，終於都見到攝影師Rex既踪跡，因為我地之前喺網上見過佢張相，所以積一眼就認得佢。Rex坐低就俾左張咭片我地，佢個樣真係攰到無朋友，可能因為佢對眼本身又比較細，望上去更加覺得佢好攰 (後來當我地知道佢地每一日個schedule之後，絕對明白同了解佢地咁攰既原因，仲可以撐到唔暈倒已經係神級)。 佢開始先問我地識唔識聽同講中文，諗番先發現佢係唯一一個人問我地，其他所有人都assume我地識？反而我本身仲以為佢地咁多香港客人，佢地會識講廣東 話。之後就同佢溝通拍攝既路線，基本上我地之前用email同佢地客服傾既主要內容佢地都有mark喺個file入面，佢太致上都知道我地係去清境同演武 場。喺溝通既過程，令人氣餒既情況又再出現。。。。。。
我地拎左我地之前上網搵左一d影清境既相片風格佢睇，第一張，我地想影綿羊，他說：「綿羊不一定可以拍得到，因為我們不能控制綿羊會不會出來」。我地心諗，我地特登去清境就係去影綿羊，影唔到我做咩要去呢度！之後我地再問係咪會有得騎馬，他再說：「馬也不一定會有，如果到時候有的話我們可以詢問一下可不可以拍，應該會有費用。如果沒有的話，要從其他地方把馬運過去，費用會是非常的高。」我們：「．．．．．．」之後俾一張相佢睇，係好多人都喺嗰棵樹上面影，望上去好似係喺個天空上面咁。我地俾佢嗰個樣本d葉係紅色，問佢咩時候d葉會咁既顏色。他又再說：「這張的葉子是電腦改色的，你喜歡的話也可以幫你改，但是。。。現在說不定樹上已經沒有葉子了。」我們：。。。。。去到呢刻我地少不免又有d擔心，因為住宿嗰d都訂晒，我地係非去清境不可，但佢講到個情況咁真係有d憂心。之後我地又有提過如果有機會的話想拍櫻花，我地當日見到有對新人揀相既時候都見到佢地有影到櫻花，仲要都幾靚，我地估佢都係最近先影。但佢又說：「現在的櫻花已經差不多掉光了。」。。。。。 之後佢再同我地講，由清境去演武場路途比較遠，時間上會有d趕，問我地會唔會選擇去其他地方，佢建議我地去亞洲大學，仲用電腦search d相俾我地睇。但我地真係覺得麻麻地。我再問佢，如果我地放棄演武場，會唔會可以多去兩個地點以上 (因為我成日覺得我地花好多時候喺清境，就算都係多一個地方都好似好單調)。呢個時候佢 就話：「那你們還是選演武場好了，因為你們心裡面就是喜歡演武場，到其他那個地方都會覺得不比演武場來的好。」。。。。。。 不過咁都好，我地本身真係想去演武場，不過佢地有提過，以前演武場係唔需要收費，但今年開始需要，仲多左好多限制，可能因為咁，加上佢地覺得演武場又唔算 好特別 (因為我地後期發現台中好多地方都好似演武場咁既日本建築風)，所以先唔太建議我地去 (但呢輯相我地好鍾意，證明我地無揀錯)。最後，我地剛剛有同Show老師提過我地想影夜景，佢有幫我地mark喺個file上面，之後REX就說：「夜景這部分其實不太建議，因為我們要拍清境，要很早開始拍，6點要開始起來化妝，如果要拍夜景的話，整個拍攝的時間會很長，你們會受不了的。」我們：「。。。。。。」我再講：「我其實是打算回程的時候，在台中市附近拍一兩張就可以了。」（因為其實我麻麻地夜景，只係積想要，我都係嘗試幫手配合佢既要求）之後，REX好有原則地說：「不能拍一兩張，拍就是一輯」。 我當時未清楚佢地拍攝既流程，後來我就知道佢點解會咁講，原來基本上每一套禮服就拍一個場境，之後佢就開始同我地傾邊套衫喺邊個地方影，佢既建議都好有 point，例如佢話粉紅色花花裙應該要喺清境拍，因為清境既草披比較清，應該要配合一件花d既裙。咁我地就傾好左邊件衫去邊個景點影。之後佢問我地有冇 d咩紀念品要影，我地話我地想影戒指 (我的幸福指環，是求婚戒指呢)，其他都冇喇。佢好似覺得好出奇咁，咁我地真係諗黎諗去都冇咩紀念品丫ma.....當時已經係10點幾，佢門市入面都冇 咩人，加上我地又好攰，見到REX個樣覺得佢仲攰。所以我地都講左好多次「差唔多」，佢又跟我地用廣東話講「差唔多」。我本身以為佢真係識講少少廣東話，原來都只係差唔多音佢先估到咩意思再學我地講。傾完之後，已經成11點，之後Peter就車我地番酒店。
酒店係黎客商旅，位於逢甲夜市附近，本身揀呢間酒店就係貪佢近夜市，揀完禮服番去都仲可以去行下，但當初真係無諗過會11點幾先番到。番到酒店之後真係堅 攰，但因為一早plan左又冇理由唔去，加上我要買對鞋襯我橙色條裙，所以番到去放低d行李 (真係只係行入去放低，凳都冇坐過) 就即刻行過去夜市。按照Peter教我地既行法，5分鐘就到左逢甲夜市。我地極速買左幾樣野食頂肚 (因為我仲未影相，都要繼續keep fit，所以夜左真係唔想食太多野)，食左個好好味既雞腿棒，同酥炸香菇，真係好好味，但係我地驚食到爆瘡影響拍攝，所以真係唔敢食太多，之後仲買左杯西瓜汁降降火，最後積就買左碗魯味番酒店食。
明明攰到爆，個樣都仲要扮精神
我極速買左對好夏日既鞋黎襯我條裙，就快快番酒店喇。因為其實已經差不多1點，好多小食檔都收左檔，所以其實冇咩野睇，我地從來都未試過咁快行完一個夜市。。。點知番去既路程我地竟然迷路， 我自問向來認路都有一手，真係甚少出現呢個情況。可能因為太攰既關係，同埋因為出發既時候d舖頭仲係開門，回程既時候已經關晒，所以唔認得條路都可以理 解。我竟然選擇左問路，平日我去旅行真係甚少，我覺得去到陌生地方問路係一件好危險既事，可想而知我第一日已經覺得台中係一個好安全既地方。好彩 Peter送我地番酒店既時候，幫我地拎左張酒店咭片叫我地袋住，如果唔係要問都唔知點問！就係咁，我地1點幾鐘先番到酒店，為我地「跑online」既旅程展開序幕。
我極速買左對好夏日既鞋黎襯我條裙，就快快番酒店喇。因為其實已經差不多1點，好多小食檔都收左檔，所以其實冇咩野睇，我地從來都未試過咁快行完一個夜市。。。點知番去既路程我地竟然迷路， 我自問向來認路都有一手，真係甚少出現呢個情況。可能因為太攰既關係，同埋因為出發既時候d舖頭仲係開門，回程既時候已經關晒，所以唔認得條路都可以理 解。我竟然選擇左問路，平日我去旅行真係甚少，我覺得去到陌生地方問路係一件好危險既事，可想而知我第一日已經覺得台中係一個好安全既地方。好彩 Peter送我地番酒店既時候，幫我地拎左張酒店咭片叫我地袋住，如果唔係要問都唔知點問！就係咁，我地1點幾鐘先番到酒店，為我地「跑online」既旅程展開序幕。
沒有留言:
張貼留言