落實pre-wedding - 台中法蝶婚紗會館

話說回來，落實台中的法蝶婚紗影pre-wedding，真係好似緣份天注定。呢件事要date back番去2011年既12月 (已經差不多係一年多前既事)，當時我地根本就未有落實的結婚打算，只係某日見到九龍灣有婚展，諗住入去閒逛下，收集一下結婚資料，方便預算結婚 budget。誰知，一入去其中一個展館，就遇到一個好熱情的台灣男人介紹影婚紗相服務，心諗住了解一下都好。一坐低就有一個叫小梅的經理招呼我地，佢拎 左好多婚照樣本俾我地睇，台中既風景真係好靚。當時俾佢地好多風景都吸引住，有綿羊有馬，又有一大片青青草地，懷舊火車軌，歐陸式建築，呢d風景真係o係 香港好難搵到。

當時其實我地對影婚紗相真係一d概念都無，加上我地真係純粹諗住了解下，就連結婚日子 (唔好話確實日子，就連邊一年都知) 但小梅就同我地講，我地見到既婚照樣本已經係差不多10年前影，意思係話我地個樣幾年內根本就唔會有咩變化，所以提早影根本係冇問題。然後佢再問我地打算 幾時會影(當時係2011年)，我地話2012年內都唔會影，最快都要2013年。點知，佢竟然話太好了，因為佢地想搵新人做樣本照片，佢覺得我既外型係 屬於青春可愛既系列，然後再不斷話我既外型可以做到好多可愛既造型，又會好上鏡 (事後我終於知道點解會有俾錢試鏡去做模特兒既騙局出現)， 而佢地正正就係搵緊呢類型既新人，其他風格造型既新人已經搵到，話佢地已經開始設計緊2013年既晚裝同婚紗，我地到2013年影就剛剛好，就算我地想早 d影都唔得，因為唔可以用樣本既方法處理。當時其實我地都冇咩概念樣本既方法係有咩分別，只係覺得會有優待 (其實到而家我地都唔知佢地係對所有新人都會咁講，定真係覺得我地適合) 總之.....個結果係....我地真係俾左訂金，落實左法蝶影pre-wedding。

落左訂，換來既就係呢張即場影既相，用黎日後方便佢既同事認我地。無可否認，法蝶既sales真係超厲害！就連一對未有落實結婚既情侶會落訂影結婚相！但說 實在，佢地香港又冇公司，只係靠email聯絡，當時我地個心真係覺得好唔踏實......但我地後來再上網search佢地既資料，發覺佢地o係台中真 係好有名氣，facebook既like竟然超過6萬人(香港都甚少公司可以做到)，個心又安落一d。