法蝶婚紗 pre-wedding 前期溝通 (拍攝路線)

不經不覺已經book左法蝶影pre-wedding差不多一年，除左我地落訂開頭一個月有同佢地電郵聯絡之外，我地之後都係睇佢地facebook不時update既最新作品。直至上年11月，我地開始著手研究2013年那個月份去影相會較好，因為我地係影自然景色，所以一年四季不同時間去影，就會有不同效果，於是我地開始著手做資料搜集。紅葉同櫻花於台中都可以見到，但我地上兩年o係首爾同釜山旅行時已經影過紅葉，加上紅葉要10月先影到，又怕太遲先影到時準備婚禮既事會有d趕，因此我地好快就決定去影櫻花了，於是我地就send email去法蝶了解影櫻花既詳情。

客服人員電郵回覆：「拍攝櫻花，我們會比較建議2月中旬來拍攝~因為櫻花很脆弱，其實擔心年底櫻花會掉光，但是準確當年的氣候，我們也不敢保證唷！^^」仲send左d作品俾我地參考

我地睇完之後就覺得同想像有d出入，櫻花好零落，同我地想像既花海差很遠，於是我地再於佢地既facebook上找一些sample!

結果得來的回覆是．．．

”您傳給我的鏈接，那櫻花是武陵櫻花（需拍攝2天1夜的行程，加拍一天行程HK3000，不包含住宿，車資，與造型師跟外），但是武陵今年的時候被政府已交通管制了唷！需訂到住宿才能上去拍攝~！今年恐怕無法訂到住房了唷~！><''

您看到我傳給您的新人櫻花，是因為那已經是今年2月底的時候拍攝的了~其實櫻花很脆弱，下一場雨~其實凋零的速度非常快！

如果您有預算加拍一天，我可以推薦您可以去阿裡山拍攝櫻花！^^ 那邊的櫻花是白色唷~

阿裡山的行程就可以推薦您可以3月拍攝唷！^^

如果您沒有計劃，也沒有關係，我們可以規劃台中市的櫻花，或是日月潭的櫻花~！^^

但其實我地又貪心想多拍幾種不同風格，例如歐式建築、海邊日落，加上我地之前都一直被清境的青青草原既綿羊、白馬吸引住，因此我地再問有冇其他路線介紹，誰知，又係得來一個令人氣餒的回覆....

「冬天沒有辦法拍攝海邊日落唷，海邊適合的天氣是5月~8月唷！^^

阿裡山是白色的櫻花（可安排3月拍攝），還有彩色小火車可以拍攝~阿裡山的景點就是大自然的感覺~能拍攝的東西還蠻多的，但是只能在阿裡山拍攝唷~阿裡山太遠了，所以需要2天1夜的行程唷（加拍一天HK1500.不包含車資，造型師跟外與住宿費唷！^^)

清境的路線，我們會建議您提前上去過夜喔~因為清境的路途比較遙遠，他在山上，山上的天氣變化大~下午容易起霧~

所以我們會早點開拍，爭取更多時間拍攝清境的美景，下午我們就會下山拍攝~！但需要負擔工作人員住宿大約NTD2000，您們的住宿NTD1500，(星期六與節日除外）提前上清境的車資HK400」

然後一問再問，唔係要加收附加費，就係要俾入場費 (如老英蘭，入場費更要成HK$2XXX) 又或者係時間安排唔到.....去到呢一刻，我地開始覺得有少少被騙既感覺，之前俾好多sample我地睇o個時又冇講咁多地方都要入場費，又冇話d景點相隔好遠要影幾日.....一心以為見到既都可以影架ma！ 經過一番周旋.....最後決定清境係一定會去的！佢地不斷建議清境係搭日月潭，但我地參考過好多作品，真係唔鍾意日月潭既景色，因此.....我地最後決定去清境+演武場

因為好多我地喜歡既景點，例如扇形車庫位於彰化、水上教堂於苗栗，全部同清境都是相反方向，都不能同一日拍完.......唯獨演武場位於市中心，佢日式既建築我地都很喜歡，呢個幾乎係唯一一個可以安排而又係我地喜歡的風格了......

因為佢地既檔期都好滿，所以好快已經定埋拍攝時間表了。而安排的攝影師係REX，本身以為可以自己揀，但後來佢地話因為海外客戶拍攝完要加班改色整理照片，而我地上清境當天只有REX唔係拍海外客戶，所以只能安排REX攝影師。之後我叫佢地send一d REX既作品俾我地參考，見佢既風格都幾適合我地，所以就安心等2月去影相了！我地仲夾o岩係2月尾去到3月頭去，順便當係我地既birthday trip！