今朝算係我地成個行程最悠閒既早上(其實絕不能稱上悠閒，只係比較上還算)。黎客商旅係有提供早餐的，我地九點幾落到去大堂旁邊既餐廳，半開放式既設計感覺好開揚。早餐係半自助形式，有三款可以選，沙律同飲品都係自助，味道唔錯，好過好多餐廳。
食完之後我地就check out，酒店人員好主動幫我地叫的士，即時叫幾分鐘後就到。之後我地得知台中既的士大多數都係要call，甚少好似香港既的士咁喺街兜客，職員仲幫我地影左張合影。
我
地先去放低d行李喺法蝶，我地前一晚已經將要拎上清境既行李放喺一件行李入面，因為REX尋日同我地講架車既空間有限，所以我地只可以帶一件行李上去。放
低行李之後就叫司機車我地去台中火車站。呢個時候，司機問我地去台中車站係想去邊，我本身唔係好想答佢，一方面我去旅行向來警惕性好高，唔想講咁多野俾陌生人聽，二來我一心斷定佢係想兜生意！我心諗尋日已經決定包車豪花左一筆，今次真係唔想再花無謂錢。於是我只係草草答佢我地去彰化，佢之後話就話彰化無咩地方玩 （我心諗你仲唔係想叫我去邊邊邊度搵生意？）我話我地想去扇形車庫睇下。(我又心諗，彰化搭火車都去到，仲要班次咁密，你sell唔到我呢！)
當我仲沾沾自喜之際，佢竟然提醒我地去到要搭區間列車，仲話我地可以鹿港玩，去到可以坐客運，好快可以到。仲建議我地番黎既時候可以搭和欣客運直接喺鹿港番台中，就可以喺sogo站落車，可以直接行番去法蝶，唔駛再番彰化！oh my
god！司機大哥請原諒我以小人之心度君子之腹！佢唔教我地，我真係諗住蠢蠢的再經彰化番黎。但個重點都唔喺呢度，係我太小人之心！落車既時候佢仲不斷教我地點買車票。司機大哥，對不起！
去彰化既班次真係好密，我地好快就上左車。
坐左都無半個鐘就到站，我地落左車之後，唔知應該行邊個方向，可能佢真係唔係一個主要景點（我其實係睇左《原來愛・就是甜蜜》呢套台劇先知有呢個地方），又
無標示。因為經過一天半喺台中既生活，我已經對當地人放下戒心，又再選擇問路。積向一個靠喺一部機車旁在抽煙既男人問道：「錢溫e沙火車簪齋拿裡？」
(注意:我地當時正企於彰化火車站旁) 抽煙的男人指著火車站的正門說道:「火車站就在這邊呀。」我禁不住走上前說(請用標準的國語來唸)：「不好意思，我們想去的是扇形車庫。」男子接著說：
「哦！你從這邊左轉一直走，看到地下道再走過對面就是了。」雖然佢只係講左兩句說話，而描述亦都正確，但我地足足行左半個鐘。。。仲要唔知搞咩熱到出煙，
之前睇天氣預測明明話係15至25度，諗住喺香港15度都要著大褸，搞到最後得個拎字。我今日當然無著大褸，只係著左一件唔算厚既長袖衫，但個感覺真係好
似去左曼谷個翟道翟！我地行過左地下道之後（之後先知道我地其實miss左個入口），
遇到個整蠱路牌，上面寫住去扇形車庫不要右轉，但呢句說話，從三個不同既方向望都會有不同意思。。。我地三個方向都試左，最後走到好遠，又再次問人，最終
行番去啱啱出地下道個出口，原來一出就係。。。我地頭先兩個人一齊眼大睇過龍。。。入去既時候人唔多，所以我地可以用腳架影左好多相。去相！
影完之後，已經係中午既時間，我地選擇食d野先
再出發去鹿港。我地行番去火車站附近，搵左一間有肉圓食既路邊既食店坐低，其實我地都唔知肉圓係咩，只係之前睇旅遊書見到話彰化出名食肉圓就諗住試下。嗰
間食店好簡陋，個感覺上好似好肚痛咁。個肉圓原來係類似粉果既物體，不過好大個，同埋有d汁喺上面，味道一般。
之後仲俾我發現盒紙包飲品過左期，紙包飲品都可以過期，證明個小店既生意都幾慘淡。。。一路食一路都覺得熱到就黎著火，但環顧四周，發現周圍既人都著d好厚既衫，我同積都諗緊係我地有問題定佢地有問題，之後夜晚我同造型老師講，佢仲講笑話佢地台灣人比較虛一d。食完之後我地就喺隔離既客運站上車出發去鹿港，根據今朝問過個好人的士大哥，佢話大概40分鐘就會到。平日坐巴士最鐘意坐後座既我，去到唔識路既地方都會坐喺司機後面，方便問幾時落車。 其實台中既客運都有廣播提示乘客落車，但穩陣起見，我地都有叫司機大哥提我地落車。我平日習慣去到一個陌生地方搭車都唔會瞓覺，但因為尋日真係好攰，加上 天氣熱熱地，又有d風吹埋黎，真係堅眼瞓ZzzZZZzz。。。於是我叫左積唔好瞓，我自己就瞓到發晒夢，嘻嘻！坐左半個鐘都無，好快就到站！我地落左車之後，向住一條掛滿紅燈籠既大街行過去。
之後仲俾我發現盒紙包飲品過左期，紙包飲品都可以過期，證明個小店既生意都幾慘淡。。。一路食一路都覺得熱到就黎著火，但環顧四周，發現周圍既人都著d好厚既衫，我同積都諗緊係我地有問題定佢地有問題，之後夜晚我同造型老師講，佢仲講笑話佢地台灣人比較虛一d。食完之後我地就喺隔離既客運站上車出發去鹿港，根據今朝問過個好人的士大哥，佢話大概40分鐘就會到。平日坐巴士最鐘意坐後座既我，去到唔識路既地方都會坐喺司機後面，方便問幾時落車。 其實台中既客運都有廣播提示乘客落車，但穩陣起見，我地都有叫司機大哥提我地落車。我平日習慣去到一個陌生地方搭車都唔會瞓覺，但因為尋日真係好攰，加上 天氣熱熱地，又有d風吹埋黎，真係堅眼瞓ZzzZZZzz。。。於是我叫左積唔好瞓，我自己就瞓到發晒夢，嘻嘻！坐左半個鐘都無，好快就到站！我地落左車之後，向住一條掛滿紅燈籠既大街行過去。
呢
個應該稍為有少少似番d旅遊區，周圍有好多指示路牌，又有地圖拎，仲有人力車仔俾遊客坐。我地沿路行到去鹿港老街，好多賣餠既小店，不斷都見到我最鍾意食
既芋頭餠，不過好可惜我地仲要逗留好多日，而家買好快會到期。。。所以我地都淨係買左d可以放耐d既野食。因為我地頭先食左d野都未餓，所以都唔係買左好
多野食。我食左個叫芋丸既物體，係d芋頭溝左d豬肉既野，又係有d汁喺上面，味道一般。
之後再坐低左食左碗芋頭冰沙仙草蜜，再食左雞腳凍，味道不俗。最哀個雞腳凍要雪，買唔到番香港。
之後再坐低左食左碗芋頭冰沙仙草蜜，再食左雞腳凍，味道不俗。最哀個雞腳凍要雪，買唔到番香港。
食完之後再周圍行，鹿港周圍都好有懷舊鄉村氣息。本身想去旅遊書有講既摸乳巷，書入面介紹，話條巷好窄，行過就會唔小心摸到。。。所以叫摸乳巷！我覺得應該只係一條好窄既巷，無咩特別，所以無特登行過去。之後我地行左去一個叫桂花藝術村既地方，本身都無咩特別期望，點知反而有驚喜。入面好有日式建築風味，最難得係入面幾乎無人。佢入面一間間屋入面本身應該係俾人整藝術品，但都無咩人，我地可以慢慢用腳架影相。
影影下仲有落少少年毛毛雨，我地只有祈求聽日清境會好天。。。影完之後，我地就準備徹退番去台中。我地穿過d巷仔番出大街諗住搵客運搭番台中市，行行下d雨
越落越密。我地行番出去頭先落車嗰條街，又再選擇問人客運站個位置，好快就搵到個客運站。本身我地諗住去一中夜市食完野再番去法蝶準備出發上清境，但因為
頭先買左d野再加上拎住個腳架真係好重。。。（腳架呢樣野，你需要佢既時候真係好正，但當你用唔著佢既時候，真係唔想見到佢）於是我地根據今朝司機大哥教我地既方法，去sogo站落車行去法蝶放低d野先再出去搵野食。今次上左車到我同積兩個都瞓到隻豬咁。。。
坐 左都差不多成個鐘，落車之後我地行到番去法蝶，我地同佢門市既同事講低我地今晚會同REX上清境，問佢我地大概幾多點可以出發。其實尋日REX同左我地講 過要等佢地影完相番黎，整理埋d野大概九點鐘可以出發，但當時我地已經覺得有d夜。。。因為上清境既車程最快都要1.5小時，去到民宿仲要梳洗，最重點係 聽日要set頭既關係，我前一晚一家要洗頭，平日我八點後永遠都唔會洗頭，因為我d頭髮特多既關係，洗完頭係要起碼3個鐘d頭髮先會乾。。。之後門市既姐姐話REX佢地影完相番緊黎 (當時大概7點鐘過少少)，有少少塞車，叫我地大概8點半番黎。咁我地諗反正都好攰，都費事再去夜市喇，就行左去頭先落車既sogo搵食喇。我地去左sogo入面個food court，最終揀左間鐵板燒。
坐 左都差不多成個鐘，落車之後我地行到番去法蝶，我地同佢門市既同事講低我地今晚會同REX上清境，問佢我地大概幾多點可以出發。其實尋日REX同左我地講 過要等佢地影完相番黎，整理埋d野大概九點鐘可以出發，但當時我地已經覺得有d夜。。。因為上清境既車程最快都要1.5小時，去到民宿仲要梳洗，最重點係 聽日要set頭既關係，我前一晚一家要洗頭，平日我八點後永遠都唔會洗頭，因為我d頭髮特多既關係，洗完頭係要起碼3個鐘d頭髮先會乾。。。之後門市既姐姐話REX佢地影完相番緊黎 (當時大概7點鐘過少少)，有少少塞車，叫我地大概8點半番黎。咁我地諗反正都好攰，都費事再去夜市喇，就行左去頭先落車既sogo搵食喇。我地去左sogo入面個food court，最終揀左間鐵板燒。
鐵板燒個師傅非常厲害，一個人可以serve晒四五枱客，過程幾乎完全唔駛等，又一樣野令我地覺得台中人既工作效率，千其唔好以為台中係鄉下地方節奏慢！隨時仲快過香港！至於味道，鑊氣好足，但因為用既材料都係急凍料，所以味道唔算太出色。但呢個價錢，份量足之餘，仲可以欣賞到師傅即場鐵板燒既技術，都好接受。
食完之後，我地就慢慢行番去法蝶準備出發。我地番到去差不多八點半，我地坐左喺佢其中一張枱到等，完全都未見REX佢地既踪影。法蝶今晚個門市非常爆，全場滿座，途中不時有職員互相竊竊私語問我地兩個等咩。。。我地都開始懷疑佢地唔夠位俾d客坐，但我地無辦法都要繼續坐喺度，我要想快d走架！再坐多一陣終於有個職員問我地會唔會出去行下，因為REX佢地仲整理緊。。。但因為我地真係好攰，唔想行黎行去。再坐到九點左右，Show老師走黎同我地講話本身REX
約左我地九點出發，但因為頭先佢地塞車晏左番，要九點半先行得，之後又再叫我地出去行下。。。我本身想拒絕，但積話費事佢地咁大壓力，都係出出面等。我地出左去法蝶隔離個公園，影左幾張相。。。
但真係好攰，所以後來就真係坐喺d凳度乾等。。。等到搭正九點半就入番法蝶。點知入到去都仲未行得！之後我就伏左喺張枱度休息，因為可能戴左成日con既原因，我對眼勁多紅筋，加上都真係好攰，另一方面我都想俾佢地知道我地真係好想快d可以走。。。之後積再去問門市 d人我地幾時行得，話我咁攰聽日又要早起身，根本唔夠時間休息！之後佢地再同我地解釋佢地塞車遲左番黎，老師又出左去幫我地買花嗰d，已經叫左佢地加快腳步。。。但到呢個時候積真係堅嬲！佢開始不斷投訴，呢個時候Peter咁啱行左埋黎，佢好唔好彩咁變左我地既申訴對象！但講真，呢個安排我地真係有不滿！ 我地明白佢地既schedule係好tight，但無理由要我地一齊承受架嘛！呢個時候見到海倫，佢即刻同我地say sorry！但呢一刻我地不能夠唔黑面。。。等到大概十點鐘，終於都可以上車，我地keep住都目無表情以示我地既不滿。上左車之後我就同積講我地要開心番，反正唔想都發生左喇，以免影響心情。
攝影師REX充當司機既角色，開始時佢有主動同我地傾計，又同我地搞下笑，氣氛輕鬆左好多。不得不提既係佢既駕駛技術真係一流！因為上清境既山路超級迂迴曲折，起初段路有d似入西貢既山路，夜晚揸已經有d難度，加上台中既公路同香港唔同，夜晚係唔會有街燈，只係地面既行車線同轉彎位會有反光板，係要開左高燈先會有反光既效果，即係話唔開既話係黑晒。。。但當你遇到有對頭車，就要熄一下個高燈，如果唔係太強既光線照住對方既司機，好容易會睇唔清楚路而發生交通意外。越上得高d彎就越急，我開始有少少覺得自己既生命受到威脅，始終我知道REX今日影左成日相，仲要連踩左幾日，我都擔心佢精神會唔夠會發生意外。。。我見住REX純熟既駕車手腕，不斷聽到高燈又開又熄既聲音，我就不斷聚精會神咁望住佢，不禁令我好佩服佢！去到再高d既時候，完全同頭文字D既賽道無兩樣！仲要係高級賽道嗰隻！積仲話喺頭文字D入面有個叫9連髮夾彎，故明思意，就係9個疑似黑色U字形嗰d髮夾既彎道！我地最後上民宿嗰段行左兩個髮夾彎！真係超佩服佢！我地喺差不多上到民宿既時候，佢停左喺間7-11門口，佢地入左去買野食，我地就只係買左d野飲，一黎我一向都無食宵夜既習慣，二來咁夜我真係想快d番去梳洗就瞓覺。。。但當我見到佢地買野食既時候，我既惻隱之心忽然出現，我諗緊佢地會唔會係做完野未食飯，諗番頭先我地仲催人好似好衰咁。。。但再諗深一層，真係唔關我地事，我地都係受害者，問題係佢公司既安排，實在用得d員工太盡！呢個時候令我同積不斷喺度諗佢地係咪勁高人工，如果唔係點會咁辛苦仲咁投入咁有熱誠！
但真係好攰，所以後來就真係坐喺d凳度乾等。。。等到搭正九點半就入番法蝶。點知入到去都仲未行得！之後我就伏左喺張枱度休息，因為可能戴左成日con既原因，我對眼勁多紅筋，加上都真係好攰，另一方面我都想俾佢地知道我地真係好想快d可以走。。。之後積再去問門市 d人我地幾時行得，話我咁攰聽日又要早起身，根本唔夠時間休息！之後佢地再同我地解釋佢地塞車遲左番黎，老師又出左去幫我地買花嗰d，已經叫左佢地加快腳步。。。但到呢個時候積真係堅嬲！佢開始不斷投訴，呢個時候Peter咁啱行左埋黎，佢好唔好彩咁變左我地既申訴對象！但講真，呢個安排我地真係有不滿！ 我地明白佢地既schedule係好tight，但無理由要我地一齊承受架嘛！呢個時候見到海倫，佢即刻同我地say sorry！但呢一刻我地不能夠唔黑面。。。等到大概十點鐘，終於都可以上車，我地keep住都目無表情以示我地既不滿。上左車之後我就同積講我地要開心番，反正唔想都發生左喇，以免影響心情。
攝影師REX充當司機既角色，開始時佢有主動同我地傾計，又同我地搞下笑，氣氛輕鬆左好多。不得不提既係佢既駕駛技術真係一流！因為上清境既山路超級迂迴曲折，起初段路有d似入西貢既山路，夜晚揸已經有d難度，加上台中既公路同香港唔同，夜晚係唔會有街燈，只係地面既行車線同轉彎位會有反光板，係要開左高燈先會有反光既效果，即係話唔開既話係黑晒。。。但當你遇到有對頭車，就要熄一下個高燈，如果唔係太強既光線照住對方既司機，好容易會睇唔清楚路而發生交通意外。越上得高d彎就越急，我開始有少少覺得自己既生命受到威脅，始終我知道REX今日影左成日相，仲要連踩左幾日，我都擔心佢精神會唔夠會發生意外。。。我見住REX純熟既駕車手腕，不斷聽到高燈又開又熄既聲音，我就不斷聚精會神咁望住佢，不禁令我好佩服佢！去到再高d既時候，完全同頭文字D既賽道無兩樣！仲要係高級賽道嗰隻！積仲話喺頭文字D入面有個叫9連髮夾彎，故明思意，就係9個疑似黑色U字形嗰d髮夾既彎道！我地最後上民宿嗰段行左兩個髮夾彎！真係超佩服佢！我地喺差不多上到民宿既時候，佢停左喺間7-11門口，佢地入左去買野食，我地就只係買左d野飲，一黎我一向都無食宵夜既習慣，二來咁夜我真係想快d番去梳洗就瞓覺。。。但當我見到佢地買野食既時候，我既惻隱之心忽然出現，我諗緊佢地會唔會係做完野未食飯，諗番頭先我地仲催人好似好衰咁。。。但再諗深一層，真係唔關我地事，我地都係受害者，問題係佢公司既安排，實在用得d員工太盡！呢個時候令我同積不斷喺度諗佢地係咪勁高人工，如果唔係點會咁辛苦仲咁投入咁有熱誠！
終於去到民宿，工作人員住喺一樓既四人房，我地就住二樓既二人房，房入面裝潢一般，但基本設備齊全，入面有個露台，我估日頭望出去個風景一定勁靚！不過現在已經係夜深，只見到漆黑一片。諗到聽日要6點起身化妝，我以最快既速度梳洗，再用風筒吹乾個頭就瞓覺喇。。。
沒有留言:
張貼留言