食完之後又夠鐘check out喇！我地check out後又放低d行李，我地沿住行去夜市嗰條路去咗呢間船做外型嘅The Ship餐廳食飯！呢日真係熱到爆炸，行到過去差D溶！仲要去The Ship之前喺隔離間泰國餐廳差D踩咗落條炎蛇度，我當場嚇到差D暈低！
點咗兩個set lunch再加咗個海鮮拼盤，但真係得個名，全部野都唔好食，仲話係The Best Steak in Town，但真心覺得扒王之王嘅set lunch仲好食過佢。。。個拼盤更加唔駛講，舊幾水一個，但大部份都係罐頭野。。。不過當食個環境都ok既，重點係，呢個咁熱嘅情況，有冷氣嘅地方已經值回票價！仲有兩份souvenior送添！
仲有少少時間，諗咗好耐可以再去邊，其實檳城真係唔多野玩。。。本身諗住去個香料園，但咁熱嘅天氣，真係唔多想暴露喺室外，於是，決定是但搵一個按摩店按下好過。
去到呢間冇裝修嘅按摩店，老闆好親切同廣東話同我地傾計，積同佢熱烈討論榴槤 -_- 我唔食嘅搭唔上咀。按完都幾舒服，但推完油，個身油立立再行出去出汗，個感覺真係麻麻地。。。之後我地就行番去酒店坐本身call咗嘅的士去機場lu！
沒有留言:
張貼留言