其實由始至終，死我又真係冇驚過，令我窒步嘅只係$_$，以我跳14,000尺黎講，連埋相同DVD係要港幣四千元！差唔多夠去一轉東南亞嘅trip.....但唔理喇！今次唔跳真係驚呢世都冇機會，豁出去啦！！！
之前喺online做咗reservation，話會9:00am喺酒店接我地去！我興奮地一早起身梳洗就去餐廳食早餐！Westin嘅早餐buffet真係唔錯，中西日韓嘅食物都有，一個唔覺意就搞到我食大咗......(喺呢度提提大家玩skydive之前真係唔好食太飽，我一陣就知出事)
真係好豐富！！！我地食完之後，時間啱啱好就到9am！搭lift去番lobby嗰層，一出lift就聽到有人叫積個名！果然好準時！之後我地就跟住佢上車喇！
我地第一站，之後佢再去多3間酒店接埋其餘5個玩家就真正出發去基地喇！
Skydiving個基地其實就係喺機場隔離，所以其實又係好快就到！我地一行7個人，就齊齊坐喺度簽一份生死狀！其實個內容又真係好不平等，但要跳就要簽！所以唯有硬住頭皮一頁一頁咁簽上自己個大名！之後就要出示passport，呢度真係令我虛驚一場，話說我出發時諗住跳嘅時候要放低d野喺佢個locker，感覺上好似將個passport鎖喺酒店個夾萬安全d，但嗰一刻我完全忘記跳skydive係要check ID架！！！但好彩，我當時諗住分散風險，我將我嘅HKID card帶咗出黎！真係嚇死我，如果因為咁而跳唔到，我真係會大受打擊！
之後佢會播段片俾你睇，跳嘅時候要注意嘅事項，相信80-90%以上黎嘅人都係韓國人或者日本人，所以佢嘅片除咗英文之外仲有日文同韓文！而佢第一下播放嘅係韓語版.......完全忽視我地聽唔明嘅問題.....不過其實黎之前我已經喺網上睇過好多次佢地嘅video，亦都爬過無數文，所以基本上睇唔睇都冇咩問題。不過佢都有同我地講，佢一陣會再播英文版俾我地睇，襯呢個時候，我地當然要影下到此一遊相啦！
話說，呢個髮型我係一早設計咗黎跳skydive的，我仲整左成朝確保佢好穩陣！ > < 點知，佢只係可以俾我keep到呢一刻，原因係佢話instructor係會喺我後面，我呢個髮型係會搞到佢食晒我d頭髮.....-_- 因此，我喺冇得照鏡嘅情況下就轉咗個髮型.......之後又因為我本身著咗涼鞋黎，要著佢提供嘅鞋....而我又冇拎襪黎.......需要赤腳穿上俾無數人著過嘅鞋......呢一刻其實我不安嘅指數係幾乎爆燈！(竟然唔係因為緊張就黎要喺14,000尺跳落黎，而係因為造型同衛生嘅問題，哈哈哈哈！女生們一定會明白我！)
之後轉眼間我地已經按照跳嘅次序排好一直線，因為安全問題，重嘅係會跳先，以免下降速度快過後面嗰個人而相撞發生意外。而因為我地喺跳最高嘅14,000尺，所以我係全機最後一個跳的！排好次序之後我地就入去見我地各自嘅教練，我分派到嘅係Justin！
Justin非常沉默，問咗我一句where are you from之後就冇同我傾過計喇.....-_- 不過佢陽光俊俏嘅外貌都令我覺得好安心，哈哈！
之後大家一字排開睇教練示範正確嘅動作，基本上決定幾時跳同點跳都係教練控制，我地只要乖乖俾佢"推"落機就ok了！哈哈！
因為我係最後一個跳，所以坐到最後一排！相比港女嘅自拍神功，教練嘅自拍技巧真係技勝一籌！因為全程拍攝都係佢將個go pro camera套喺手腕上自拍，就連跳落去嘅時候，時速高達200mph都係確保影到兩個人咁靚咁清楚！
本身我對於8,000ft或者14,000ft係毫無概念，只係知道8,000ft free fall時間只係得15秒，而14,000ft會有1分鐘，而向錢看嘅我知道跳14,000ft雖然係要俾多US$120，但買DVD同相嘅價錢又會由US$140變成US$99。如果相係一定要買的話，即係俾多US$79就可以跳多6,000ft喇！但俾錢同怕死嘅係積，我當然將個決定權交俾佢啦！但明明一直都話跳8,000呎嘅佢，竟然因為個staff嘅三言兩語就話跳14,000ft........唔係人地sell功勁，只係佢容易動搖......我就當然覺得仲正啦！
點知原來8,000ft已經好高，已經足夠睇唔清楚地面嘅建築物！因為同行有兩個人係跳8,000ft的，所以到咗呢個高度嘅時候，佢地就率先跳咗落去喇！我本身睇video嘅時候，以為見到人跳落去會好驚，但竟然我係勁興奮！不斷歡呼之餘仲好期待快d到自己！兩個人跳咗落去之後，我地就繼續爬升上14,000ft嘅高度，同8,000ft明顯嘅分別係真係feel到出面溫度嘅變化，身體feel到越黎越凍，同埋氣壓越黎越大，隻耳仔開始feel到有少少唔舒服。
終於到喇！！！我同教練用一個好醜嘅步姿一齊移去機門邊！積係我前一個跳，佢一秒間就消失咗喺我眼前@@
之前整架機就淨番我同教練，不消10秒就到我喇！跳落去嗰一下真係一片空白，但離心力又真係無，最多只係一兩秒，可以講嘅係跳樓機嘅離心力係仲勁！兩秒後教練就拍拍我膀頭示意我可以張開雙手，free fall嘅感覺真係好正！本身以為係嗌到痴線，但我發現係叫唔到出聲，唔知係速度太快令我叫唔出聲定係叫咗都聽唔到，因為氣壓問題同埋風聲真係極大！但好得意嘅係，個身體係會feel到由凍變暖！
教練長時間都係保持勁chok嘅表情望向鏡頭！
仲係好chok！而我發現最標準嘅應該係合埋個口笑，因為好似我咁張到個口咁大，係真係會食晒d風！
唔知係我反應太快定咩，因為話要跳咁高嘅原因係好多人跳咗落去，都驚魂未定就已經開咗傘，就feel唔到free fall，但因為1秒後我已經驚完，所以free fall嘅時間係俾我想像中長！途中除咗好忙要望鏡頭之外，仲有時間俾我諗一陣會唔會開唔到個傘etc. 嘅問題 XDD
之前網上嘅人話開傘嗰下會扯得好唔舒服，但又無我想像中咁辛苦，但可能因為真係束得太緊，D血可能去唔到手指，我D手指係feel到有D麻痺....而令我最唔舒服嘅係，想.........嘔........!主因係我早餐食得太飽，而另外係教練應該想玩下花式，chok黎chok去之後真係好想嘔！不過呢個感覺俾我眼前嘅景色蓋過，因為真係好靚！！
開咗傘之後教練俾條繩我自己控制個方向，但佢又唔教我點control......我應該係拎上手嘅時候左手太重力，搞到我不停咁自轉......更加想嘔 -_- 到我意識到嘅時候轉左轉右幾下，佢就話要Let go喇，因為佢要控制番個方向著地。
著地嘅時候我地只要雙腳升起俾教練著地先就ok喇，著得靚嘅話我相信係可以兩個人都企喺度，而家就當然無份啦，哈哈！我成個人坐咗喺地又冇人扶我....搞到要自己狼狽地爬番起身.....-_-
之後就坐埋一邊，之後就可以可以拎埋張證書喇！
Justin指住積問我，佢係咪我boyfriend，當我答佢話佢係我husband嘅時候就好記起呢個係我地婚後嘅第一個trip喇！(話明係honeymoon trip ma！哈哈)
一齊拎住張Cert影張合照！Yeah！！！
之後原來我地著地嘅地方同個基地都有一段路程，坐車番去都坐咗成十幾分鐘。不得不讚嘅係，就係呢短短十零分鐘，頭先影嘅所有相已經放咗入個ipad，一坐低無耐已經可以睇喇！
再等多十零分鐘，就連條片都有得睇喇！！佢係喺個電視度播。
想講嘅係.....積一路以為寫住"Jack"嗰個電視係佢自己條片，到我話嗰個牌係教練個名佢先知自己睇錯 -_- 佢仲要玩完晒都未知佢個教練叫咩名，直至佢見到自己個樣先知佢個教練叫Bobby.......
拎晒d野之後就上車番酒店lu！番去send咗D相俾家人同朋友威風完一番同埋話俾大家知我冇死到之後，上去休息咗一陣，因為仲未有餓意，所以就落咗去沙灘影陣相先！
影完就出發去食lunch lu！尋晚食唔到嘅牛扒今日食番！
早餐先剛剛消化到，又食到捧住個肚走！之後我地就坐Lam Lam Bus去GPO lu！我地上到車諗住買2 day pass，但個司機話要去到GPO先有得買，佢可以車我地去到GPO先。我地就諗，佢係咪都應該收咗我地一程車嘅錢先，到時買2 day pass再扣番呢？不過難得佢地有相信別人嘅心係好事黎嘅！只係香港人太蠱惑......
去到GPO都係同一個感覺，又係好似好頹咁......本身我黎關島前就諗住買手袋，但我想買嘅brand呢度都無.....之後去睇咗Tommy同ROSS，其實如果係好多時間，喺ROSS入面應該係可以尋到寶的，手錶款係真係平好多，只不過我地又唔需要買錶，其他衫又唔係太吸引，所以睇咗陣就走咗lu......而因為要就番回程嘅時間唔可以太夜，所以都要早少少出發去night market，事關回程如果無巴士要坐的士番酒店的話係真係好貴的！
去night market個站就喺GPO出面，上到車差唔多全車都係日本人，到站時個職員上黎直情淨係講日文 -_- 搞到我地要落車後問番個staff講咩.....
Night Market俾想像中細，本身推介嘅係去Kris度食BBQ，但因為晏晝嗰餐都未落格，所以真係唔係好食得落.....所以再行多一陣先！
再飲多個椰青食多次椰子刺身
 |
之後我地坐番車番去，架車可以直接去到DFS，早知就唔駛買day pass都得啦！
去到DFS我又再睇多次d袋款，但真係睇唔啱....> < 之後再encore多一次Godiva，番去酒店放低d野之後，就陪積去做一樣佢話黎到呢度一定要做嘅野！
就係實彈射擊喇！對於呢樣野我真係冇咩興趣，如果你話好平就話試姐，又貴我又冇興趣，就梗係慳下個荷包啦！個老闆係咁游說我玩，我都堅決拒絕，哈哈！
呢個係入面個導師幫佢影嘅，積玩完出黎流晒汗，唔知係真係咁熱定係會咁緊張？！
US$55先得12發子彈，唔夠5分鐘就玩完，梗係要再幫你影多幾張相啦！
如果enjoy嘅都係一個好好嘅經驗黎嘅^^！話晒實彈射擊唔係度度都有得玩！
非常充實的一天！
沒有留言:
張貼留言