之後漫無目的咁上google honeymoon trip，又睇下d package，最終俾我見到關島！關島無疑係一個好有渡假同honeymoon feel嘅地方有陽光海灘honeymoon必備元素，但又有行街同陸上活動，但又唔會日日困喺resort，屬於美國地方得黎又唔駛簽證而且都算經濟，市內交通都方便，唔需要自駕遊都可以去到大部份地方！最重要就係可以玩skydiving！睇完之後，我地好快就落實咗去關島喇！
因為直航去關島嘅飛機唔係日日都有，所以D機位係有少少緊張的，結婚前幾日放假就拿拿臨去book package，以往對酒店無咩要求嘅我地，今次話晒都係honeymoon，book酒店嘅時候罕有地咩都話要upgrade，又要deluxe！就咁就confirm咗我地嘅蜜月之旅喇！
話咁快就結完婚過咗個幾月黎到2 Jun出發日喇！去關島嘅直航機只係得夜晚出發，去到當地就係清晨，所以我地預先就book咗half day tour (以為係half day，點知就出事喇！)，諗住酒店未可以check in嘅時候可以先觀光，喺東怡book嘅時候佢話個tour大概會去到11點的......稍後分解.....
出發當日係端午節，我地應節食完糉之後就出發喇！唔駛再自己一個人去機場先再集合嘅感覺真好！
去到機場，又唔駛食野，行行企企，又去書店打下書釘，終於都等到夠鐘上機喇！
上到機食完個飛機餐我就開始訓覺喇，而積話要有4D嘅感覺，要喺機上睇套劫機嘅電影.....機程大概5個鐘，訓多一陣就到喇！
落機等過關嗰時，好唔好彩排咗條隊前面嗰兩個人塞住，搞咗好耐先到我地，但原來都真係幾嚴格，check證件之餘仲會問長問短，仲會睇埋你之前去過邊etc. 所以雖然個機場唔大，但係都搞咗好耐....
出到去就見到day trip黎接機嗰個人，group埋其他團友之後就出發喇！個導遊非常之multi-function，搬行李又係佢，揸車又係佢，介紹景點都係佢！一架車又唔坐得多人，慳成本都明白嘅。
第一站我地黎到呢個迷你自由神像，如果特登黎睇呢個又真係冇咩野好睇，但反而啱啱日出時份，望向個海個view真係好正！不嬲都話唔鍾意跟團，都未望清楚，D團友已經急急腳上番車，咁.......唯有跟住走囉.....
之後話有個椰子伯伯賣椰子，可以做埋椰子刺身，本身諗得晨早6點食好似好怪，但又難得個個團友都參與，咁我地都買一個試下啦！
本身話會似象拔蚌同魷魚，我就覺得講大咗嘅，不過都幾得意。但如果話要用素食黎扮刺身，我個人覺得牛油果會似D同香D！
之後就再去咗呢個西班牙廣場同天主教堂etc. 幾個景點聚埋俾大家影下相，事實上又真係無冇野睇，不過都係嗰句，酒店又未有得check in，如果唔係大家都滾水淥腳，我會再hea多陣囉......
最後就去到戀人岬喇，呢個其實係關島嘅一個著名景點，除咗喺出面影相之外，仲可以買飛上去個觀光台度欣賞風景。仲話可以買個鎖寫上自己同戀人個名鎖上去，當然！以上講嘅野都係無時間做到嘅......我地一去到時話個觀光台未開門，咁我地喺下面影住相先
到到佢開咗，我地就買飛入去啦 (US$3@)，誰不知，我地剛買咗飛行入去，都未上到樓梯嘅盡頭，個領隊姐姐就嗌入黎話影埋呢張就差唔多喇？！(ＨＵＨ？？！！)我地都未行上去喎！佢仲好似好熱心咁話入黎幫我地揸機，咁咪即係話你影完呢"一張
到到佢開咗，我地就買飛入去啦 (US$3@)，誰不知，我地剛買咗飛行入去，都未上到樓梯嘅盡頭，個領隊姐姐就嗌入黎話影埋呢張就差唔多喇？！(ＨＵＨ？？！！)我地都未行上去喎！佢仲好似好熱心咁話入黎幫我地揸機，咁咪即係話你影完呢"一張
相我地就要走囉？我真係未上去喎，我俾咗錢架喎！我地拒絕佢個好意之後，就自己快快上去影咗D相......
其實呢個view真心靚，我真係唔知呢班團友黎做咩？唔係想觀光，不如直接book酒店接送算啦，每一個景點都係踩一踩個地就走......無奈之下，我地唯有離開，領隊姐姐仲問......影夠喇可？我地只有冷笑地回應 "都無辦法啦"......佢仲話"我冇唔俾你地影呀，你地可以繼續影喎....." (怒) 積即時光火地回應幾句，我制止佢嘅原因係，其實又唔係完全關個領隊姐姐事，係D團友一黎就上晒車，佢都係唯有叫我地走啦......唉...再一次肯定，我地真係唔適合跟團，一個小小嘅half day tour都搞到咁唔舒暢.......
正因為每一個景點都係踩一踩個地就走，加上景點與景點間個路程又近，所以整個市內觀光只係用咗2個鐘，去到酒店都只係8點.....(我地check in時間係晏晝3點呀~~~~~~~~~)
我喺個lobby度整理咗一下個妝容，放低D行李，就出發去食早餐喇。
酒店望出去個view真係好正！即刻覺得心曠神怡！D相係亂影都好靚，哈哈！
附近有一間旅遊書都有介紹嘅coffee shop，呢個時候就最啱去慢慢坐喇。
食完個悠閒早餐之後，附近嘅shopping mall都已經陸續開門喇，Westin酒店個位置都唔錯，步行範圍都可以行到去DFS, The Place, JP Superstore呢幾個大嘅shopping mall。話大嘅意思唔係真係話佢個面積好大，只係話係區內著名而已，因為......真係一陣就行完......
行咗幾個商場都冇咩斬獲，想買嘅手袋又冇咩款式揀，又唔係特別有優惠，買衫又唔係平仲要唔靚，最後只係買咗大包小包嘅Godiva朱古力。
我地行下又坐下又行下，終於都hea到午飯時間，因為尋晚冇咩訓過嘅關係，基本上已經好攰，我地行番去Westin對面嘅Pacific Place度食lunch。去咗Cappicciosa食龍蝦餐，個份量真係好驚人，一個餐入面係有一隻龍蝦、一盤pasta、一盤沙拉同一支Asahi，注意！唔係一碟係一盤，我地得兩個人，任我地幾落力去食都係無可能會食得晒！去旅行酒店又唔會有微波爐，就算打包都無用，所以其實真係幾浪費，但真係無辦法...
但最堅嘅係，隔離枱嗰對日本男女竟然食得晒個餐，unbelievable！但我地已經盡咗最大嘅努力！
食完之後大概2點半，我地龜速咁行番去Westin (因為只係對面馬路)，都仲有廿幾分鐘先到3點，本身諗住差少少都會照俾啦，點知佢堅要我地等到3點.....(汗) 我地又再次坐喺佢個lobby度hea......好彩Westin個lobby都幾舒服 (強顏歡笑)
終於都到3點喇，從未試過一次等酒店check in等得咁漫長！Um.....間房個海景同我本身upgrade咗去ocean view嘅expectation有D差別囉.....佢又唔係睇唔到，但係要企咗出個露台先睇到，咁又唔可以話佢唔係ocean view喎?! 我地remark咗嘅honeymoon，換黎嘅係一張A3 size嘅賀卡 (笑) 諗住冇香檳都有d花瓣啦.....(汗) 咁都好過無嘅
之後我地浸完個浴就當然要小睡片刻啦！不過原來一訓就訓咗3個幾鐘@@ 不過呢個trip係玩hea嘅，所以訓覺係應該嘅。
訓醒之後我地就坐車去咗K-Mart行陣街，我地去程就行咗去DFS對面坐Lam Lam Bus (US$4@)，唔知係燈光問題定咩，個K Mart總係好似好頹咁，激唔起購買意欲，而的確佢真係冇咩好買。
行完之後因為已經無巴士，我地走咗去坐的士，出發前問酒店個staff，佢話要US$25@@，而K Mart門口個taxi ref. price，話去westin係US$13，咁我地諗坐巴士都唔係相差好遠，所以就慢慢行，坐的士番去，點知最後都要US$16，關島坐車真係好貴，只係短短5分鐘路程就要US$16......
番到去放低d野諗住再去食野，本身積話要食牛扒，但我呢幾個月黎都習慣夜晚唔係好食野，真係好難十點幾再食扒，於是我地去咗一個旅遊書都有介紹，話日本人開嘅拉麵店。
其實都真係唔錯，同幾抵食，仲平過去日本食！行過ABC store見到有呢款午餐肉壽司，cross over咗美國嘅午餐肉同日本嘅壽司，見幾得意買黎試下，但味道就真係麻麻地喇......食完就快快休息，準備聽日嘅skydiving喇！！
沒有留言:
張貼留言