自9月試完衫之後，一直就到2月再上去2nd fit，今次上去就可以轉款，今次改完就冇得再改款lu！真係要認真揀清楚！
根據佢地之前話，閒日上去試衫會多D款揀，因為無咁多衫出咗街，所以我就約咗27 Feb上去，第二日我同積會去檳城生日旅行，所以晏晝拎咗假去試衫，今次仲約咗未來奶奶出去一齊試，等佢可以揀自己套媽媽衫。
我番完上晝工，放工之後番九龍灣屋企食個lunch就出發去尖沙咀喇！點知未來奶奶早咗成個鐘到。。。我地首先上咗去佢尖沙咀間舖，本身想俾未來奶奶試先，費事佢悶，點知佢話試媽媽衫要去佐敦嗰邊間舖，但嗰邊已經有兩個booking，咁唯有我快快試咗先！
婚紗同褂我都唔諗住轉，所以我淨係試晚裝，死心不息再試A-line款，但真係唔靚。。。今次無人俾意見我，我試完再whatsapp俾我媽咪、家姐同姊妹們睇，最終決定要呢三件。
迎賓揀咗淺紫色呢件 -
敬酒揀咗紅色呢件 -
送客揀咗紫紅色呢件 -
姊妹們都覺得呢件唔靚，但著上身真係ok的，兩次fitting一試呢件，在場嘅人都覺得好靚，所以都照揀！
未來奶奶最終都揀唔啱，所以諗住嗰件衫揀埋男裝禮服，但因為要送未來奶奶去車站行到好遠，所以決定下次再上去揀過！
沒有留言:
張貼留言